|
نداء خاص لادارة المنتدى والى د/ اسامة عادل
بسم الله الرحمن الرحيم اولا : كل عام وكل الامه الاسلامية بخير ثانيا : انا احب اشكر د/ اسامة عادل ع شروحاته العظيمة واللى انا شخصيا فهمت منها يعنى ايه فوركس وبقالى اكتر من 8 شهور ماشى ع حسابات تجريبية بالشرح دا والحمد لله من افضل لافضل ثالثا : انا اتخذت قرار ان خلاص ابدأ اتاجر بحساب حقيقى لكن المشكلة ظهرت هنا ؟ ان انا نزلت ولفيت ع البنوك عشان افتح حساب ومش عارف اوصل لحل اللى يقولى لازم حساب بالدولار طالما حد هيحولك فلوس بالدولار واللى يقولى الفوركس اتمنع (محسسنى انه مخدرات) واللى يقولى فرق العمله والبنك بيتحمله عشان كدا اتقفل فياريت ودا رجاء شخصى حد من ادارة المنتدى او خدمة العملاء او د/ اسامة يعرفنا الحل واى بنك يتناسب افتح معاه حساب واتاجر بيه وياترى الافضل افتح حساب بالدولار ولا بالمصرى؟؟ وهل مثلا لو انا عملت فيزا انترنت ازاى اسحب ارباحى لان زى منا شوفت ف شركة FXDD الطريقة اللى بعمل ايداع بيها هى اللى بسحب عليها ؟؟ فارجو الرد وشكرا |
رد: نداء خاص لادارة المنتدى والى د/ اسامة عادل
مساء الخير اخي وكل عام وانت بخير . كيفية الايداع في شركة FXDD للاشتراك في العروضبسيطة ان شاء الله ، تفضل بقراءة الموضوع ادناه وان شاء ستجد الاجابة لكل استفساراتك .. ولو احتجت اي مساعدة او استفسارات اخرى احنا جاهزين تحيتي |
رد: نداء خاص لادارة المنتدى والى د/ اسامة عادل
الموضوع سهل جدا ان شاء الله 1- اذهب الى بنك مصر 2- افتح حساب دولار عادى 3- تكلفة فتح الحساب بتكلف من 30-40 جنية 4- اودع المبلغ بالدولار طبعا ( المراد ايداعة فى الفوركس + 10 او 20 دولار ) اتركهم بالحساب 5- للأسف الشديد لا يجب تحويل اى مبلغ الى بعد مرور 6 اشهر على فتح الحساب ( و دة افضل لك لمزيد من التعلم ) لا تتعجل فى الدخول بالحقيقى , انت مازلت مبتدأ فترة ( 8 شهور ) غير كافية فى الفوركس 6- ممكن تسحب الملغ الذى اودعتة فى البنك اذا كنت بحاجتة فترة ال 6 شهور 7- بعد مرور ال 6 اشهر اذهب الى البنك و معك استمارة التحويل من شركة fxdd و املئ البيانات بدقة و عناية 8- متنساش خد من البنك ايصال يفيد بالمبلغ اللى انت حولتة 9- المبلغ هيوصل حسابك فى fxdd ناقص العمولة ( لا تقلق ) راسل الدعم فى الشركة و ارفق لهم ايصال المبلغ بالكامل و فى خلال 48 ساعة هتسترد مبلغك 10 - اتمنى لك حظ موفق فى الفوركس |
رد: نداء خاص لادارة المنتدى والى د/ اسامة عادل
شكرا جدا جدا أ/ نادر غيث وشكرا جزيلا أ/ احمد بس زى منا قرأت ردودكم السريعه ع الموضوع انا (ممكن اعمل فيزا نت فى بنك مصر ومنها اقدر اودع فى شركة الوساطة وافتح حساب بالدولار فى بنك مصر ودا عشان ابقا اسحب عليه باذن الله تعالى بس دا ينفع فعلا ولا لازم زى مهو مكتوب ع موقع FXDD ان الطريقة اللى بتودع بيها هى اللى هتسحب عليها ؟؟ واسف ع كثرة سؤالى وشكرا |
رد: نداء خاص لادارة المنتدى والى د/ اسامة عادل
اقتباس:
انا شخصيا احترم التحويل البنكى فى السحب و الايداع و على فكرة الموضوع كلة مش بياخد اكثر من يوم او يومين على الاكثر , و اكثر ضمانا لك و للبنك |
رد: نداء خاص لادارة المنتدى والى د/ اسامة عادل
السلام عليكم و رحمه الله و بركاته
اخى الكريم انا هديك الخلاصه علشان متلفش كتير و تدوخ نفسك بنك يقولك لازم حساب بالدولار و حد ادنى 500 دولار و يقرفك لما تيجى تعمل ايداع و يوقفلك الماستر كارد او الفيزا بتعتك و بنك يقولك الفوركس اتمنع و بنك يقولك الحل فيزا نت و تقبلك مشكله لما تيجى تسحب و يقولك لازم تسحب على حساب بنكى فكك من كل الكلام الفارغ ده و هديك الحل المفيد بس بشرط (دعوه بظهر الغيب ) انت تاخد نفسك و تروح اى فرع من فروع بنك بلوم مصر و تفتح حساب توفير ب 1000 جنيه مصرى و متنساش تقول للموظف انه حساب توفير لان الحساب الجارى حد ادنى 5000 جنيه انما التوفير ممكن من 1000 جنيه مصرى المهم تفتح حساب التوفير و هيسلمك عليه ماستر كارد بعد اسبوع بالظبط تقدر بعدها تعمل الايداع اللى انت عايزه و تسحب على حسابك البنكى بالماستر الكارد عادى خالص بلا بنك مصر و لا فيزا نت كريدى اجريكول و لا وجع قلب و متنسانيش بالدعاء بالتوفيق ان شاء الله |
رد: نداء خاص لادارة المنتدى والى د/ اسامة عادل
اقتباس:
بس اخر استفسار (هل بنك بلوم مصر هيقولى لازم حساب بالدولار عشان اعمل ايداع منه ف الفوركس واسحب عليه ؟؟ ولا عادى ؟؟؟ ) |
رد: نداء خاص لادارة المنتدى والى د/ اسامة عادل
اقتباس:
انت هتروح البنك و تفتح حساب توفير بالجنيه المصرى ولما تعمل ايداع البنك بيحول الجنيه لدولار و بيخصم من حسابك قيمه التحويل و لما تسحب ان شاء الله البنك بيعمل نفس الشئ و هو تحويل الدولار الى جنيه مصرى و اضافته الى حسابك |
رد: نداء خاص لادارة المنتدى والى د/ اسامة عادل
ما شاء الله..
الرجال قامت بالواجب و زيادة.. و احب اضيف انك يمكنك اصدار فيزا من بنك كريدى اجريكول مصر..فيزا انترنت و يمكنك الحصول عليها فى ثلاثة ايام و تسدد عادى للشركة.. كما يمكنك فتح حساب دولارى لاستقبال المال عليه.. تقبل تحياتى |
رد: نداء خاص لادارة المنتدى والى د/ اسامة عادل
انا النهارده قمت بفتح حساب توفير بالجنية المصرى فى بنك بلوم مصر واخدت رقم الحساب بس قالولى ATM اخر الاسبوع الجاى ياترى دلوقت اقدر اعمل ايداع فى FXDD ؟؟ ولا استنى الاسبوع الجاى لما استلم البطاقه؟؟ وما هى مصاريف التحويل ؟؟ شكرا لك د/اسامة واحب اسئلك بخصوص بطاقه نت كريدى اجريكول : هل اقدر اسحب واودع منها عادى ولا عليها قيود ف السحب منها ؟؟ وهل ممكن مفتحش حساب بالدولار ولما احول الفلوس البنك يحولها مصرى واسحب بالبطاقه منATM ولا هناك قيود ع ذلك؟؟ وشكرا لكل الاعضاء واسف ع كثرة الاسئلة |
| الساعة الآن 04:33 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com