|
## لن نتظاهر الجمعة القادمة ##
دعوة لكل عاقل لكل صاحب عقل ... لكل صاحب قلب .. لكل مصري يعرف ان لمصر حق عليه لكل من لم يأمن اهله في الايام السابقة .. لكل من يريد الاصلاح ... الجمعة القادمة .. هي بداية العودة لامان مصر وامنها .. نريدها هادئة مطمئنة كما كانت مصر وستكون دائما . سنمهل النظام بضعة اشهر .. حتي يحقق ما وعد به ... ويتحاور مع قوي المعارضة المتمثلة في احزاب وجمعيات مشهرة ... سنتمهل لتعود مصر الي ماكانت عليه . ادْخُلُواْ مِصْرَ إِن شَاء اللّهُ آمِنِينَ قال تعالى : " وَمِنَ الَّذِينَ هَادُوا سَمَّاعُونَ لِلْكَذِبِ سَمَّاعُونَ لِقَوْمٍ آخَرِينَ ، لَمْ يَأْتُوكَ يُحَرِّفُونَ الْكَلِمَ مِنْ بَعْدِ مَوَاضِعِهِ ، يَقُولُونَ إِنْ أُوتِيتُمْ هَذَا فَخُذُوهُ وَإِنْ لَمْ تُؤْتَوْهُ فَاحْذَرُوا ، وَمَنْ يُرِدِ اللَّهُ فِتْنَتَهُ فَلَنْ تَمْلِكَ لَهُ مِنَ اللَّهِ شَيْئًا ، أُولَئِكَ الَّذِينَ لَمْ يُرِدِ اللَّهُ أَنْ يُطَهِّرَ قُلُوبَهُمْ، لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظيم " . |
رد: ## لن نتظاهر الجمعة القادمة ##
أنا عن نفسي ومع احترامي لدعوتك الكريمة هقيم يومي الأربعاء والخميس لأحكم على دوري الذي سأقوم به يوم الجمعة ما يفعله النظام حاليا في ميدان التحرير والمدن الأخرى يجبرني حتى الآن على النزول يوم الجمعة ............. ثانياً : حضرتك بتقصد مين بالآيات الكريمة؟!! |
رد: ## لن نتظاهر الجمعة القادمة ##
اؤؤؤؤؤؤؤؤؤؤؤيدك فى الراى
ومعاك مليون فى المية يا شباب ارجوكم البلد هتخرب حرام عليكو الناس عاوزة تشوف شغلها الناس عاوزة فلوس عشان تعيش و تاكل الاطفال و النساء حرام عليكو فى حالة بجد تصعب على اى حد حرام يا جماعة عاوزين استقرار البلد لو بتحبو البلد بجد اصبرو استنلو لو محصلش اصلاح الشارع موجود انزلو تانى ارجو ان محدش يروح اى مظاهرة يوم الجمعة لا تاييد ولا معارضة |
رد: ## لن نتظاهر الجمعة القادمة ##
فعلا انا معاك ومع كل واحد يقول زيك
بتمنى من كل الناس انها تهدى وتقعد فى بيوتها شوية وميدان التحرير مش بعيد:) |
رد: ## لن نتظاهر الجمعة القادمة ##
اقتباس:
عايز تدى النظام فرصه البدايه كانت النهارده فى ميدان التحرير هذا استخفاف بالناس لكن تعمل إيه وربنا العظيم من فوق سبع سموات قال لنا أن فرعون استخف قومه فأطاعوه وهذه النطاعة التى يتعامل بها منافقو ومؤيدو ومنتفعو الرئيس فى برامج العاشرة والتاسعة والثامنة ماهى إلا طاعة للفرعون ! قال الله سبحانه وتعالى: {فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ (54) فَلَمَّا آسَفُونَا انتَقَمْنَا مِنْهُمْ فَأَغْرَقْنَاهُمْ أَجْمَعِينَ (55) فَجَعَلْنَاهُمْ سَلَفاً وَمَثَلاً لِلآخِرِينَ (56)}. (الزخرف) |
رد: ## لن نتظاهر الجمعة القادمة ##
والله هو ده الكلام العاقل . ياجماعة والله التهدئة فى مصلحة الشعب كله . لو حصل خلاف ومظاهرة الجمعة هيؤدى الى كارثة
|
رد: ## لن نتظاهر الجمعة القادمة ##
طبعا واضح ان الموضوع اتنقل علي طول علشان ما يتقريش
رغم ان موضوع نزول يوم 25 ما اتنقلش لغاية دلوقتي هههههههه ديمقراطية :) |
رد: ## لن نتظاهر الجمعة القادمة ##
اقتباس:
فرعون كان كافرا وكانت حربه ضد نبي من انبياء الله وقومه اتبعوه فى معصيه الله والشرك به كيف تقارن هنا هذا بذلك بعدين فرعون وهو بيغرق استنجد بموسي 7 مرات فلم ينجده فقال تعالي لو ان فرعون استنجد بي مره واحده لانجدته يااخي احنا مسلمين متربين على الدين وعلى التسامح على الراي والراي الاخر انت كدا بتفرض رئيك ومش بتسمع للراي الاخر ودي غلطتهم احنا نفسنا بنقع فيها يااخي 6 شهور ليست ببعيده وليست طويله ومبارك مش هينزل تانى انتخابات والا قدام العالم هيكون كاذب وليس له كلمه بعدين هيتعامل مع مين امريكا اللى اتخلت عنه وقالت لازم يسيب السلطه حالا؟ ولا الاتحاد الاوروبي اللى قال لابد من انتقال للسلطه فورا ؟ ما تفوق بقي شويه وبعدين تزوير ايه اللى انت بتقول عنه دول زوروا انتخابات مجلس الشعب شفت احنا عملنا ايه ما بالك لو زوروا انتخابات الرئاسه بقي الا تتعظ ان اخويا واولاد عمي وكل اصدقائي الان فى بيتهم اجازة اجباريه بدون مرتب ؟ ابويا للنهارده مقبضش لسا ؟ انت مش شايف ان كل اللى اخدناه كفايه والباقي ممكن نتفاوض فيه كمان ؟ ولا انت بالنسبالك الانتصار الحقيقي ان مبارك يمشي حالا ؟ ودا كلام الاحزاب السياسيه والاخوان عشان يضمنو مكانهم بعد كدا احنا كشباب ملناش مطالب للكرسي كل مطالبنا اصلاح اللى فى ميدان التحرير دول ناس بيفكرو فى السلطه والكراسي ناس ليهم مصلحه وانا مش هكون مع واحد عايز مصلحه من ورايا |
رد: ## لن نتظاهر الجمعة القادمة ##
هؤلاء هم شباب مصر ؟؟ يا حسرتاه هل سيطر عليكم الخوف شوفو تونس اوتعلموا منها لم يستسلموا حتى سقطة النضام أما أنتم فسوف تتوقفون في منتصف الطريق سوف يحس مبارك أنه إنتصر عليكم وسوف يقوم بسرق المزيد من أموال الشعب في الأشهر المتبقية :1 (46)::1 (46)::1 (46): |
رد: ## لن نتظاهر الجمعة القادمة ##
اقتباس:
هل تدعونا بالجبناء لاننا حققنا مطالبنا ونريد الان الامن والامان لبلدنا ؟ هل الشجاعه بالنسبه لكم ان نهز امن مصر وان نملئها بالفوضي والخراب ؟ بعد ان وقفنا للشرطه وجها لوجه ضد قنابل الغاز وضد البلطجيه ؟ بعد ان مات منا من مات ولم نخف او نهاب ونزلنا ثانيتا وناضلنا الا ان حققنا مرادنا ؟ اخي لكل شىء نهايه وطالما اننا حققنا النصر فلا داعي لاستكمال الحرب ان كنت تتكلم عن الاطاحه بالرئيس فهناك اعتبارات اقوي من ذلك بكثير فالرئيس راحل راحل ليس هناك نقاش لكن الامن الان اهم من ذهابه فى هذه اللجظه نحن نفكر فى بلدنا قبل ان نفكر فى انفسنا فان ارت ان تتحسر فتحسر على باقي الدول التي لم تستطع الوصول لنصف ما انجزناه تحسر على حال الدول اللتى ليس لديهاا من وليس لديها استقرار تحدث عن الدول التي حدث فيها فراغ سياسي لا تصف من وقف فى وجه سلاح بانه جبان فليس للجبان مكان بيننا ولا تنسي اننا منذ 8 ايام موجود بالشارع نناضل من اجل مستقبل افضل لبلدنا ولنا اخذنا ما نريد والتمادي ليس الا غباء ونحن لسنا باغبياء |
| الساعة الآن 04:50 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com