اف اكس ارابيا..الموقع الرائد فى تعليم فوركس Forex - موضوع هام للمناقشه :: الفوركس كوظيفه .. الفوركس بجانب العمل الاساسى

موضوع هام للمناقشه :: الفوركس كوظيفه .. الفوركس بجانب العمل الاساسى

السلام عليكم ورحمه الله وبركاته

موضوع انهارده انا بقالى اكتر من 3 سنين بناقشه مع نفسى

دلوقتى انا بتاجر فى الفوركس بقالى 6 سنين او اكتر .. من ربح لخساره ومن خساره لربح

وفتحت حسابات فى اكتر من 5 شركات ومنهم من يتعامل مع البنوك الالكترونيه الله يحرقها اللى خسرتنى كتير اوى لما نصب بنك الليبرتى

كان فى حسابى الليبرتى اكتر من 3 الاف دولار كنت بحوشهم عشان حلم ان وصل لحساب فيه 10000 دولار واقدر اوصل بيه للمليون

الحمد لله على كل حال بس طبعآ الخساره دى اثرت فيا جدا .. بس الحمد لله قدرت اقف على رجلى تانى واحوش من شغلى الاساسى لحد ما عملت حساب ب1000 دولار من تانى فى fxdd

بس طبعآ بعد دراسه ان البنوك الالكترونيه دى ملهاش امان فعملت الايداع عن طريق الفيزا اضمن عشان اسحب بعد كده عن طريق التحويلات البنكيه . والحمد لله شغال كويس وربح الى حد ما كويس

طولت عليكم معلش .. ندخل فى الاهم من ده كله

دلوقتى الحيره اللى عندى واللى عند ناس كتير اكيد ..

هى ان دلوقتى الشغل فى الفوركس وانت بتشتغل حاجه تانى .. مكسبه ضعيف مش كبير

لان الواحد مش بيدخل صفقه غير لما يكون متابع جيد للشارت والترند وحركه السعر رايحه وجايه منين والمستويات القويه

وده كله مش بتعرفه غير لما تتابع الى حد م مش اقل من 6 سعات ... وحاجه تانى ان اهم وقت فى الفوركس هو وقت اوربا من الساعه 8 الصبح لحد الساعه 4

وده اصلا وقت الشغل التانى اللى هو الاساسى ... فده طبعآ بيبقا عائق امامك .. تتابع الميتاتريدر ولا تشتغل شغلك الاساسى ( حاجه صعبه جدأ جدأ )

انا بصراحه خدت قرار كان صعب جدآ جدآ بالنسبالى ولكن انا قولت ان هو ده المستقبل ان شاء الله ( والقرار هو ان سبت الشغل لاتفرغ للفوركس )

والقرار خدته لان مرتب الشغلانه الاساسيه بيساوى 300 دولار .. ودول اعتقد سهل جدآ تكسبهم من مبلغ 1000 دولار

الاسئله بقا هنا

1- هل وقعت فى نفس الحوار والاختيارات دى قبل كده ؟ وعملت ايه ؟

2- ايه رأيك فى القرار اللى انا خدته ؟