اف اكس ارابيا..الموقع الرائد فى تعليم فوركس Forex

- الارشيف (https://fx-arabia.com/vb/forumdisplay.php?f=8)

- - عاجل (https://fx-arabia.com/vb/showthread.php?t=18146)

السلام عليكم ورحمة الله وبركاتة
اخواتي الأحباب انا لفيت السبع لفات واتبهدلت بقالي اسبوع عمال الف على البنوك في بلدي الاسماعيلية وبيقولوا ان التحويل مصاريفة كتيرة لكن الكل قال ان البنك العربي الافريقي اقل عمولة فين ياعم البنك ده في العاشر من رمضان
سفرت النهاردة العاشر ورحت اتبهدلت الموظف قالي لازم احط 5000 جنية وديعه كضمان للحساب ومش هينفع احسبهم قبل 3 سنين وبعدين احط المبلغ اللي عوزه قلت انا عاوز احوله بره قالي فين قلتله للفوركس قالي يبقى فلوسك مش هتشوفها تاني قلتله ليه قالي ده نصب ضحكت وقلتله ياعم مش نصب قالي لاء طيب ايه اللي ضمنك ان فلوسك هترجع تاني قلتله انا هضارب بيها ولو عاوزها هطلب احولها قالي مش هيسألوا فيك قلتله في منظمة اسمها nfa هستكي قالي مفيش حاجة اسمها كدا
طبعا نرفزني واتخنقت وكان هاين عليها امسك اي حاجة واضربه لكن لأني محترم مشيت ولامؤخذه فضلت ارجع واكح وتعبت ودخت قلت وبعدين رحت رايح بنك مصر قالي انت ممكن تفتح حساب وممكن تحول لكن مش قبل 6 اشهر قلتله طيب التحويل قالي لازم تقول بخصوص ايهقلتهلة فوركس قالي لاء انتا اصلا بتمضي على اقرار انك متحولهمش للفوركس وتجيب مستند بكدة اي بنك كدة لان البنك المركزي بعد الثورة مانع الحاجات دي وفيها مسائلة قانونية
مشيت والدنيا بتلف بيا يعني انا بقالي شهرين ربنا اللي يعلم مبنامش وسهران على الشارت على طول وعمال اسمع في فديوهات واقرأ في كتب وتحليل فني واساسي واستراتيجيات وعملت نظارة لأن نظري ضعف كل ده راح على الفاضي واتمرن على الديمو وكل المجهود ده راح ولا ايه
اسف لأن طولت عليكم لكن معلش قولولي اعمل ايه
يا ريت الدكتور اسماة يقولي او اي حد يبلغوا ويرد عليا وينقذني

ياعم الحج اعمل فيزا نت اسمها بطاقة مدفوعة مقدما من بنك كريدي اجريكول ب 5 جنيه بس وتقدر تعمل السحب والايداع عن طريق الصراف الالي في اي وقت في الاسبوع

اليك اخى العزيز الحل البسيط
انت ممكن تحول لاى شركه بدون تحويل بنكى بمعنى ايه الكلام ده
انك تروح للبنك الاهلى وتعمل ماستر كارد بتكلفه عشره جنيه وتخده بعد اسبوعين وبعد الاستلام تودع فيها المبلغ اللى انت عايزه والموظف مش هيقولك
انت بتعمل الايداع ده ليه انت بتعمل ايداع فى الفيزا وعو ما لهووش فيه وبعد كدا تحول عن طريق الفيزا لاى بنك
وكذلك فى بنك مصر تمن الفيزا عشرين جنيه ونفس التفاصيل
واحسن فيزا انا اتعملت معها فيزا بنك كريدى اجريكول ب15 جنيه وتستلمها وانت واقف فى ساعتها
والايداع بيكون من الماكنه خارج البنك دون التحدث مع الموظف من اساسه
وده اسمه جفت كارد
وكذلك البنك العربى الافريقى بتاخد الفيزا وانت واقف واسمها فوريو انترنت
انا عامل جميع الفيز دى وعن تجربه شخصيه يارب اكون افادك وسهلت عليك المأموريه

اذا استفد من ردى لا تنسى تضغط لايك

اقتباس:

المشاركة الأصلية كتبت بواسطة Sameh Fathy (المشاركة 265439)

اشكرك اخي الكريم جدا بس في شوية أسئلة
لو عاوز اسحب فلوسي اللي في الشركة لازم بالفيزا بردوا ولا ممكن تحويل بنكي مباشر علشان في ناس بتقول لازم الحساب اللي هتسحبة ميكونش اكتر من اللي انتا حطه في الفيزا
حاجة تانية لو هبعت الفلوس من الفيزا هيتاخد بردوا مصاريف تحويل

اقتباس:

المشاركة الأصلية كتبت بواسطة Kimo (المشاركة 265436)

اشكرك حبيبي على الافادة

اقتباس:

المشاركة الأصلية كتبت بواسطة طرزان البرنس (المشاركة 265446)

اشكرك اخي الكريم جدا بس في شوية أسئلة
لو عاوز اسحب فلوسي اللي في الشركة لازم بالفيزا بردوا ولا ممكن تحويل بنكي مباشر علشان في ناس بتقول لازم الحساب اللي هتسحبة ميكونش اكتر من اللي انتا حطه في الفيزا
حاجة تانية لو هبعت الفلوس من الفيزا هيتاخد بردوا مصاريف تحويل

انصحك ان تسأل فى شركه الفوركس الخاصه بك اولا ,,
بالنسبه لشركه اف اكس دى دى ,,
يمكنك ان تسحب على الفيزا حتى لو كان المبلغ اكثر
وهناك شىء اخر لابد ان تسفتسر عليه كم المده التى تستطيع ان تسحب على الفيزا ؟؟؟
لان شركه اف اكس سول تسمح بمده شهر فقط من عمليه الايداع
بعد هذه المده يكون السحب عن طريق الحوالات البنكيه

تحياتى ونصيحه وماتسمعش كلام موظفى البنوك فى الفوركس

تحت امرك فى اى وقت

و عليكم السلام

أنا مشترك فى عرض الشباب فى البنك الأهلى سوسيتيه جنرال بنك فرنسى كبير و سن الاشتراك فى العرض بين 18-23 سنة بيبقى ليك حساب شخصى فى البنك يعنى تقدر تحول و تسحب عليه بسهولة جدا و كذلك معاه فيزتين واحدة للسحب من ماكينات الصراف الالى و الاخرى للنت حماية للحساب و لفيزا الالكترون من السرقة و التهكير و كذلك متوفر خدمة رائعة تسمى نيتا بنك تتيح لك التحويل من فيزا الالكترون الى فيزا الانترنت و تظهر لك جميع العمليات فى الحساب خلال شهرين و كذلك يمكن التحويل من فيزا النت الى فيزا الالكترون مرة اخرى عن طريق الرجوع للبنك و كذلك خدمة فونابنك حيث يتم ارسال رسالة اسبوعية الى موبايلك بالرصيد الحالى و مصاريفها 52 جنيه سنويا و مصاريف فتح الحساب 52 جنيه فقط.

أنا جربت فيزا النت فى الدفع فى شركات الفوركس من قبل و تم قبولها بدون اى مصاريف

اما مصاريف التحويل البنكى فهى (23$ + 3 دولار فى الالف) بحد أدنى 33$ للتحويل.

اصلاً اغلب البنوك دي الوطن العربي باستثناء الخليج هي اشبه بمكاتب صرافة مقارنة مع البنوك الاوروبية والعالمية
شيئ مضحك ان يكون موظف في بنك حيث ان الفوركس من صلب عمل البنوك ويعتبر ان الامر مجرد وهم ونصب ..
سوف نبقى متخلفين في مجال المعاملات المالية لسنين طويلة ما دمنا نرى امثال هذا الموظف وهذه البنوك ..

اما ملاحظتي لك , هي انه حينما يتم سؤالك عن غرض التحويل لا تقول فوركس , قم بالاجابة انها بغرض الاستثمار بالخارج او ما شابة ..

بص بخصوص التحويل ارخص بنك و اسرع بنك هو بنك القاهره بتفتح الحساب بدايه من 100دولار و مصاريف التحويل هي 6دولار فقط و التحويل بياخد يومين عمل فقط بخصوص غرض التحويل لا تقول الاسثمار لانه هيطل منك سجل تجاري لكن قول انك بتضارب في بورصه نيويورك و الموظف هيحترمك جداااااااااااا و يطلبك قهوه(انا عملت كده)
حااااااااااااااااااااااااجه سهله جداااااااااااااااااااااا

اخى الكريم انا عندى لك حل هايوفرلك كتير اوى حتى مصاريف التحويل هناك شركات كتير بتقبل الايداع و السحب عن طريق البنوك الالكترونية زى كاش يو و ليبرتى ريسيرف
انا شغال بالنظام ده و بعمل سحب و ايداع فى نفس اليوم بطريقة سهلة جداً جداً و فكك من قصص البنوك و الفيزا الفاشلة