هل يوجد اكسبيرت ناجح
 

رد: هل يوجد اكسبيرت ناجح
 

والله يا اخي نصيحة من اخ لاخوه بإذن الله .. ايا اكسبيرت وايا الة تقوم بالعمل بمجال متغير لا تضع فيا امل مثقال ذرة والله بما اقول عليم واغلب الاخوة ياريت يعطوك تجربتن وبس فكر لخمس دقائق لو في اكسبيرت يدعو الى التفائل لكان الاجانب ااول من اعتمدو على الاكسبيرت مو بس العرب لذلك بنصحك تتعلم ولو ما عندك وقت بس يكون ما عندك وقت افضل من انو ما عندك مال او انك تضع مالك للرياح مشان تتنقل فيا بالهواء امام عينك ... واكثر من المنتدى هاد مواضيع تعليمية ما اظن تلاقي لذلك بس اختر من اسفل الشاشة بالانتقال السريع قسم الارشيف ...يعني لحتى تطلع دكتور بالفوركس بس القليل من التركيز لا يؤذي ههههههههه يعني حاول تركز وتصفي ذهنك للمواضيع يلي عم تدخلا

رد: هل يوجد اكسبيرت ناجح
 

نعم صدقت الاغلبيه فاشله لكن مع ذلك لا نعمم ونقول بان جمعيها فاشله
يوجد اكسبيرتات ناجحه لكن هنالك ادوات مساعده لنجاجها مثل حجم راس المال

رد: هل يوجد اكسبيرت ناجح
 

اخي الكريم انا قريت واتعلمت كثير وما بعرف اشتغل لهلق في عندك استراتيجية ناجحة لحتى استفيد منا انت ابن بلدي لازم نستفيد من بعض
وشكرا

رد: هل يوجد اكسبيرت ناجح
 

طبعاًً اخي لعيونك يا غالي يا ابن بلدي وكل الناس اخواني يشهد الله علي بحب كل اعضاء المنتدى بالله بلا استثناء
بسم الله الرحمن الرحيم
اخي الحبيب انت لازم يكون عندك موجود اساسيات وهي موضوع الاساسيات يلي علمني يا استاذي الاول جزاه الله خير الدكتور اسامة واذا كنت متطلع عليه من قبل كان خير واكسب للوقت
دروس فيديو دورة تعليم الفوركس مجمعة كاملة

تاني شي انتا لازم تعتمد ادراة لراس المال و ما تاكل هم انتا تعلم وانا بقلك شلون راس المال رح تديرو بس تكون ضامن حالك بالاول من جهة الدخول
تاني شي بدك تاخد استراتيجية بدك تعتمد عالاغلاق والفتح يعني قصة تاخد صفقة ومو موجود ولا ايا شي بتنص عليه استراتيجيتك فتاكد انو عاجلاً او اجلا رح تضرب الستوب
المهم انا بتوقع كل هالكلام عرفانو حضرتك بس بدك استراتيجية مشان تتبعا ورح اعطيك كلشي بعرفو لحضرتك وللاخوة يلي رح يقراو السطور هي
اول شي استراتيجية الدكتورر جمال ممدوح بمعرفة السعر لوين متجه
شرح استراتيجية دكتور جمال ممدوح بتوقع حركة السعر القادمة
تاني شي بدك تتعلم المقاومات والدعوم باستراتيجية الوافي ولو الاستراتيجية هي لحالا بتكفي بس مشان تكون ضليع بكلشي بس لازم تتعلم وحدة وحدة مو تخلطن كلن مع بعض
دورة فوركس لشرح استراتيجية الوافي مع التطبيق العملي .
تالت شي موجات اليوت مابيلزمك منن الا الاشكال ولا تفوت بالتفاصيل كتير او على راحتك انا بالنسبة الي ما بفكر بشي اسمو موجات اليوت الا بعدما اكون مزبط الاستراتيجيتين السابقات وعرفان لوين رايح السعر ورح اعطيك الموضوع للاطلاع اذا بدك
® فن المحاربين القدماء ® •• ®
ورح اكتبلك طرق العمل بس انتا تعلم الاستراتيجيات ولا تاكل هم بالباقي انا بعون الله ما بتركك الا وتكون عم تدعي لكل شخص بهاد المنتدى وعلى راسن الدكتور اسامة
تالت شي بدي منك تضيف مستويات الفيبوناتشي 78.6 ، 1.41 ، 3.18
وهدول بتضيفن من خلال اعدادات الفيبوناتشي بتكبس على levels وبعدين بتكبس على اليمين زر add بالنسبة لل 3.18 بتكتبو بخانة levels على الشكل 0.318 وبخانة descriptions بتكتب 3.18
وبالنسبة لل 1.41 بتكتب بخانة levels 0.141 وبخانة descriptions بتكتب 1.41 ونفس الشي مع نسبة 78.6 بتكتب بخانة levels 0.786 وبخانة descriptions بتكتب 78.6
هدول اخي بالتحليل الرقمي وطبعاً انت حر اذا بدك تدرس التحليل هاد بس انا بالنسبة الي بس اخدت نسب الفيبو مع فائق احترامي للاستاذ علي يوسف هو يلي علمني ياهن وهاد موضوعو عن التحليل الرقمي اذا بدك
نظرية التحليل الرقمى للفوركس وتطبيقاتها


هون اخي الاستراتيجيات خالصين بتوفيق الله بدي تدرسن ورح اكتبلك الباقي بس انتا خلص من موضوع الاستراتيجيات وما بتوقع بتعرفن ولو بتعرفن راجعن لانو مستحيل حدا يعرفن ويخسر ويبقى بخسارة دائمة عالاقل لازم تطلع بربح بسيط واسف عالتاخير بس كان عندي شغل وبتمنى تعذرني

رد: هل يوجد اكسبيرت ناجح
 

بسم الله الرحمن اللرحيم : (هههههههههه بعتذر لانو المشاركة السابقة كانت بدون ترتيب بس كان بدي تلحق الوقت وتبتدي بالدراسة اذا عندك مجال ورح احاول ارتب المشاركة هي قدر الامكان) الموضوع التاني المؤشرات :
1-الموفينج افريج : انا بفضل الله ثم فضل الاساتذة الكرام اولن الاستاذ علي يوسف ابتديت اكوّن شارتي من موفنجات بمستويات 35 و 100 و 200 بس الفرق بالاعدادات انا ما بستخدم الموفينج البسيط simple بستخدم الموفيينج الاسي وهو من ضمن الاعدادات من خانة MA method بتطلع قائمة انتا اختار منها exponential واضغط موافق او ok اياً يكن
2- مؤشر البولينجر باند وهاد المؤشر اوقات نادرة رح استعملو متل الموفينجات ورح امر على ذكرن بس اشرح مؤشر ال RSI اول شي
3- مؤشر التشبع RSI وهاد المؤشر بسيط باستخدامو اذا كان الخط عند المستوى 70 فيعني انو السعر اقترب من الهبوط وإذا كان عند مستوى ال30 فيعني انو اقترب موعد الصعود ولكن عيب المؤشر انو قد يكون عند ال70 متل زوج الدولار ين هالايام بس ما بيهبط بالعكس بواصل صعود وبتحسن تضيف مستويات ال20 وال 60 للمؤشر من خلال الاعدادات بخانة levels طيب بدك تقلي شو فائدة هيك مؤشر اذا مالو صادق مع اتجاه السعر ؟؟؟؟؟
المؤشر من اسمو بتعرف شو بفيدك المؤشر هو الشيء يلي بيعطي اشارة بس رح تكون سابقة لاوانها اوقات واوقات باللحظة المناسبة لذلك...
استعمال المؤشرات : المؤشرات يعني تاكيد للتحليل وليس اكثر بالنسبة لمؤشر ال RSI يعني انا لما بكون عندي مؤشر التشبع الدلالي عند خط 70 و السعر عند مقاومة قوية وقفلت الساعة او الاربع ساعات تحت المقاومة هداك الوقت انا بتاكد من مصداقية المؤشر وبدخل صفقة البيع بنفس مرتاحة طبعاً متل الرسم يلي بالصورة بس صفقة شراء "على زوج الدولار ين "
http://www.fx-arabia.com/vb/uploaded...1416844210.png
اخي بالصورة في كتير معطيات للصفقة بس خليك حالياً مركز عالمؤشرات متل مالك شايف المؤشر عند خط 30 بالنسبة للشمعة الهابطة واول افتتاح الشمعة الصاعدة كان عند خط 30 انا المؤشر ما بهمني بهمني الشمعة اغلقت فوق المقاومة وعند المستوى 30 بهيك كسبت 50% من الدخول بصفقة شراء بس هيك انا خايف طيب بستنا شمعة اللي بعدا ... الشمعة اللي بعدا يا اخي اسما بن بار وهي شمعة انعكاسية رح اذكرلك ياها قرريباً ان شاء الله بمشاركة القادمة بس اغلاق الشمعة البن بار هو بداية صفقة الشراء طبعاً انا ما دخلتا والحمد لله على كل حال والرزق على الله
استخدام مؤشرات الموفينج افريج والبولينجر باندز : انا بالنسبة الي باستخدم الخط النصفي من البولينجر وخطوط الموفينج كنقاط دعم ومقاومة حين تفتح الشمعة اما فوق الخطوط او تحتها ولكن صفقات تعزيز يعني بكون بالاساس من قبل داخل صفقة نسبتها 100% ومتاكد الاتجاه مارح يعكس ضدي لذلك بدخل وانا مرتاح لانو وجدت نقطة تانية لتدعيم المربح اما الخطين الجانبيين للبولينجر انا بستخدمن للدخول اوقات نادرة لما بكون كلشي بأكد الصفقة القادمة يعني مؤشر البولينجر بهذه الحالة متل مؤشر ال RSI "إضافة تأكيد"
وانتبه اخي تستخدم الموفينجات كاستراتيجية يعني اذا قطع لفوق بشتري واذا قطع لتحت ببيع هي اكتر استراتيجية حسب معلومات بتخسر
وكفانا قدر بهي المعلومات لليوم وان شاء الله بتابع بكرة والحمد لله رب العالمين

رد: هل يوجد اكسبيرت ناجح
 

رد: هل يوجد اكسبيرت ناجح
 

جزاك الله خيرا
هلق سؤال انت بتشتغل بستوب واديش الستوب ومن ايمتى بتشتغل وكم عدد النقاط الشهرية عازوج واحد

رد: هل يوجد اكسبيرت ناجح
 

الله يعافيك اخي انا صرلي بهالمجال حساب حقيقي اسبوعين بس بالاسبوع الاول اودعت وخسرت لانو ما كان عندي اغلب الفكر يلي عم اعطيك ياهن ومن جراء الخسارة متل ما بقولو الواحد ما بيتعلم الا من كيسو صار بدي اتعلم شو يلي خسرني واكتشففت كتير نقط من اهما الخوف وعدم الثقة بالاستراتيجية والخروج المبكر .... اما بالنسبة للستوب فما بحسن اعطيك رقم معين من النقاط لانو كل زوج والو كمية النقاط الخاصة فيو يعني مثل زوج اليورو دولار بحط عشرين (على مضمون الاستراتيجية مو من كيفي) بس بازواج الين بكون مجبر يا ابقى جنب الشارت يا احدد ستوب 30 او 40
ومتل ما قلتلك انا من اسبوعين دخلت بدوامة الحقيقي لذلك اول بدايتي وان شاء الله اكمل بس لحد الان ما عندي نقاط لا اسبوعية ولا شهرية بس تقريباً لو كنت بس عندي ثقة بالاستراتيجية السابقة الداخلا كنت على حسب المبلغ يلي كان معي لازم احقق باسبوع ما يعلو على 500 نقطة مثلا للدولار ين بس كل شي بكتاب مكتوب ما كنت جاهز اقل تقدير متل هالاسبوع والله كريم والله يرزقنا من خير اعمالنا

رد: هل يوجد اكسبيرت ناجح
 

البرايس اكشن : طبعاً انا مالي داخل على الموضوع هاد بشكل عميق بس بهمني كم شمعة والباقي تركتو بس اهم شمعات البرايس اكشن :
البن بار وهي يلي بكون جسما صغير كتير وذيلا طويل كتير اما الذيل بكون لتحت او لفوق طبعاً ما بحسن اطالعلك الشمعة منفردة بس هي بالرسمة المرفقة محاطة بدائرة رمادية غامقة ... اما الحمراة فهي ضعيفة كتير بالنبسة لدخول صفقة ولكن الشمعة يلي بعداا بينت انو الدخول بيع هو دخول نظامي
http://www.fx-arabia.com/vb/uploaded...1416914403.png
طبعاً هي الشمعة انعكاسية بتعكس الترند السابق وإن كان كبير او صغير يعني بالمدة الزمنية الدخول بعدا بشكل او باخر مناسب ولكن مو كل بن بار يعني خلص عاكسة وبنزل بالسوق... لا انتبه البن بار يلي عند مقاومة او دعم هي الصالحة للدخول بالعكس بس اما يلي ضمن الترند فهي ماشية مع الترند
وفي هالشكل مرفقلك ياه بالصور باللون الرمادي الغامق هدول الشمعتين انعكاسيات بس اذا كانو عند مقاومة او دعم و بكونو ماشيات مع التررند اذا كانو بعيد عن مقاومة او دعم

http://www.fx-arabia.com/vb/uploaded...1416915590.png
وباللون البني في شكل متكون من 3 شمعات عند دعم سابق سواء كانو الشموع كبار او صغار ما في فرق هدول انعكاسيات حسب المنطقة اللي هنن فيا يعني دعم معناتا صعود مقاومة معناتا هبوط