أنا كمان عندى حساب حقيقى معاهم و مجانيش اى تنبيه او ميل اطلاقاً و راسلتهم و ردوا عليا كويس و بذوق و آدب من غير ما يدونى عقاد نافع غير انى استخدم المنصة الجديدة (اللى هى كارثة اصلاً) اللى اسمها اليونى تريدر
مهزلة اليونى تريدر بقى يا جماعة انها وحشة قوى و معقدة و بتهنج و تقف و مش مديينك اى امكانية انك تدخل مؤشرات عليها او اكسبيرتات و طبعاً لازم تعمل حساب فوركس جديد و تختار منصة اليونى تريدر فى خطوات اجراء الحساب المصيبة الأكبر بقى انك ما ينفعش تغير الباسوورد بتاعك عليها فراسلتهم ردوا عليا بمنتهى الذوق من غير اى حل برضو ان عشان تغير الباسوورد تبعت ميل للأوبيريشن و هما يبعتوللك باسوورد جديدة يعنى فى كل الحالات هما عارفين باسووردك و دى طبعاً مهزلة و منتهى قلة الاحترام و المهنية
عموماً انا تاجرت بحسابى (و عارف انها مخاطرة كبيرة جداً لأن الحساب كله 101 دولار اصلاً و اول مرة اتاجر على حقيقى كمان) و لعبت على انى اكسب نقط قليلة جداً فى الصفقة فكسبت اول يوم 9 نقط ب 9 دولار على صفقتين و امبارح للأسف بسبب عدم الثقة فى تحليلى اللى طلع صح عملت اوردرين واحد قفلته على خسارة 8 دولار و بعد ما اتسرعت و قفلته السعر جاب البروفيت اللى كنت عاوزه و اكتر و عملت اوردر تانى بيع على اليورو دولار مع بداية اليوم الساعة 6 الصبح بس سلب كتير و بعدين ابتدى يرد و بغبائى قفلته عند 0 من غير خسارة ولا مكسب و بعد ما قفلته ب 10 ثوانى السعر ابتدى ينزل زى توقعى كتير جداً نزل اكتر من 100 نقطة على مدار اليوم يعنى لو كنت سبت اوردرى مفتوح و وثقت فى تحليلى كنت ضاعفت المحفظة يلا نصيب بقى
يلا معلش طولت عليكم بس الخلاصة ان بوسطن كانت شركة كويسة و لكنها دلوقتى بتستعبط و بتعمل حاجات مش معقولة و مش منطقية و مش فى صالح العميل