المشكلة عمرها ما كانت فى وزير او رئيس وزراء
دايماً ايام مبارك الاعلام يقعد يطبل ليه ويقول ان اللى حواليه هما اللى بوظوا البلد..وانه "بحكمته" المعهودة لازم يغير الحكومة
فهو شال نظيف وجاب شفيق ومحصلش اى تغيير
والمجلس شال شفيق وجاب شرف ومحصلش تغيير
ودلوقتى جابوا الجنزورى وبرضه مش هيحصل تغيير
المشكلة فى المجلس نفسه
ليه ميعملش زى اقتراح حازم عبد العظيم ويعلن بداية الترشح لانتخابات الرئاسة 1 ديسمبر؟
والانتخابات تبدأ 25 يناير (انتخابات مجلس الشعب هتكون خلصت 13 يناير) والرئيس الجديد يستلم الحكم 11 فبراير وساعتها نقول الف شكر للمجلس عملتوا اللى عليكوا ونبدأ عهد استقرار حقيقى مش استقرار مزيف