سيدى الفاضل ،، ليه بتقول ان تحليلك معلومة خطيرة طيب أسمع الأخطر
شوف الشارت الشهرى حتلاقى السعر موجود عند مستوى 61 فيبو و دا مؤشر أقتراب من القاع ،، دا من الناحية الفنية يؤكده خبر أساسى عن وجود قرض ب 150 بليون يورو حصل البنك المركزى الأوروبى و بالتالى توافر سيولة يستطيع بها رفع السوق ،، كده انت كلامك مظبوط مش كده.
لكن يا عزيزى الموضوع على الشارت و حركة البيع و الشرا حاجة تانية
أولاً عندما نتكلم عن صعود لليورو فى أنهاردة أو بكره حيكون صعود غير طبيعى و بالتالى السعر حيطلع يطلع و ينزل تانى بس وقتها حيكون هبوط حاد فى رأيى و الصعود الآن لن يمكن السعر من إختراق حاجز 1.33 و هو الحد العلوى للقناة الهابطة على فريم الديلى اللى ممشى السعر فى قناه هابطة مش صاعدة.
ثانياً: السعر يمر فى منطقة ضغط قوية الآن و القوة الشرائية (اللى هية مش أنا و لا انت) تنتظر تحديد إتجاه و أمام اليورو كثير من خطوط المقاومة عشان بس يكسر حاجز الهبوط على فريم الديلى و كمان ترند الويكلى هابط مش صاعد و الصعود سيقابله موجة بيعية قوه عند 1.32 و على أسوأ تقدير 1.33
ثالثاً: عدم وجود حركة كبيرة اليوم سببها ليس وجود قوة شرائية و بيعية متعارضة بقدر ضعف سيولة لان أصحاب الإموال يريدون من خلال هذه الجلسة قراءة السوق قبل توجيه و هم يربحون من عكس حركة السعر اللى انت لو شايفها صاعدة ختلاقيها بتهبط فجأة
رابعاً: الصعود الطبيعى لليورو يكون فى نظرى هو 1.295 أو 1.28 بكده يكون السعر أختبر آخر ترند مكسور فى هذه المنطقة و بالتالى زيادة ثقة المتاجرين فى اليورو.
لازلت مصمم ان الحديث عن صعود اليورو مستقر لليورو الآن مجرد مشاعر حالمة بسبب إقتراب السعر من القاع و لكن لم يصل السعر حتى الآن للقاع ،،
تصدق انا قارى تقرير بيتوقع وصول اليورو إلى 1.20 تخيل (عارف ان الهبوط مش حيوصل لكده بس شوف النظرة التشاؤمية وصلة لغاية فين)
أخبط دى بقى عشان دا سر خطير جداً اليومين دول أقعد و أستنى نهاية الشهر (فاضل أسبوع على فكرة) لو السعر قفل أقل من 1.30366 أعرف أن السعر حيهبط على الأقل كأول هدف إلى 1.27 ثم إلى 1.25 كهدف ثانى و بعدها السعر حيصعد بس مين عارف مش ممكن فى 2012 نلاقى السعر وصل فعلاً ل 1.20
لو السعر أصبح أعلى من 1.30366 اليورو حيصعد لمستوى ما بين 1.39 و 1.41
مع التركيز على حساب البيفوت السنوى لو عايز تكسب هدف بعيد زى دا انا بفكر أخبطلى صفقة سنوية زى دى
أنا بايع اليورو من زمان و لو صعد مش مشكلة الجيش بيقولك أتصرف بس أرجوك قولى ليه شايف ان اليورو حيصعد