اولا انا يشرفنى انى اكون عضو ف المنتدي
وارجو الافادة ف استفسارى والنصيحة لانى محتااااااااار جدا
هو انا من شهر ونص تقريبا مكنتش اعرف ن الفوركس حاجه ولا كنت اسمع عنه اساسا
والموضوع بدأ معايا انى كنت بدور على شغل ووقعت ف اعلان وظيفة بمرتب 2000 جنية وعمولات يعنى كويسه لاى شاب او ع الاقل انا
الشركة اسمها free system ف مصر الجديده فى ميدان المحكمة هناك
قالولنا هتشتغلوا مراقبين مؤشرات فوركس
بس اللى مش معاه خبره لازم ياخد كورس فدورت ع النت وعرفت عن الفوركس شويه لقيته كويس
اخدت كورس ورحت الشركة قالو هتمتحن بقي على اكونت ديمو ومطلوب منك تجيب 200 نقطة ف 5 ايام
بس ازاى ؟؟
هيبقي التيك بروفيت بتاعك 20 وستوب 40 نقطة ف كل صفقة بحيث انك تجيب ال200 نقطة على 10 صفقات
تمام كده
اول اسبوع جبت 80
والتانى 120
وفضلت على كده مش عارف انجح ف التست لغاية مانجحت ف الاسبوع الرابع
ورحت قالى تمام بس المنصة اللى انت شغال عليها مش هى اللى بنشتغل عليها
قلت يعنى ايه قالى يعنى لازم تشتغل على منصتنا الاول وتاخد خبره كويسه عليها
بس تجيب 150 نقطة ف ال 5 ايام
الكلام ده كان من اسبوعين
قلت ماااااااااشي هانت بقي
بس كان اول مطب انى جبت 100 نقطة الاسبوع اللى فات
والاسبوع ده لغاية دلوقت عامل 120 نقطه وقامت صفقة عاكسه عليا
طبعا اتخنقت
حد يقولى ياعم طب متعمل اكونت واشتغل عليه انت متوسط صفقاتك ناجحه
اقوله مفيش رأس مال
يعنى هى الشركه مثلا عايزه واحد عمره مابيخسر
بيني وبين نفسي بقوله ياراجل انت بتشتغل على لوت ب 250
وانا متوسطى ف الاسبوع 80 ل 100 بيب
يعنى هكسبك ومش شويه
بس بقي نفسي اعرف هى الشركات دي نصابه ولا ايه
ولو نصابه امال الناس اللى شغاله هناك دي وبقالهم فترات مش بطاله شغاله ازاى وبيستفيدوا ايه من الضحك ع الناس يعنى مثلا انا مفيش من ورايا اي استفاده ليهم لغاية دلوقت
مجرد ان انا حاسس انها مماطله
طيب ابص لنفسي الاقي مستوايا مش وحش انا الحمدلله بجيب 20 نقطه عكس الترند يعنى قلبي جامد وواثق من نفسي طب هو عايز ايه تانى مش فاهم
بس كل ما اكلمه يقولى يعنى اشغلك على فلوس حقيقية دلوقت
اقوله وليه لا ----- يقولى بس لازم اثق في شغلك الاول
طيب انا عايز حد يدلنى اعمل ايه لانى بجد عشقت الفوركس ونفسي اشتغل فيه فلو حد يعرف شركه تانيه بس تكون محترمه يقولى عليها
ولا اكمل مع الناس دي ولا ايه لانى بجد تعبت واحترت
واسف على الاطاله بس انا متوسم ف المنتدى ومشرفينه واعضائه الكرام النصيحه وابقي متشكر جدا