سورى ... أيدى اكلتنى للكتابة رغم انى مكنتش هشارك فى النقاش علشان الكلام كان واضح جدا ومفهوم ...
لأ الفكرة أنى دخلت الموضوع لقيت أنه بيتكلم بأنصاف وحيادية كاملة عن واحد لابس ابيض فى أبيض وقلبه أبيض وكبير وهو اللى بيمثل الأسلام ( أو كما قال عن نفسه انه عمرو بن العاص فاتح مصر ... بالذمة دى اخلاق عمرو ... دا هزار وللا أستهزاء برجل له تاريخه يعنى ... سبحان الله !!!) وبعدين لما محمود لسة بيقول أبسط حاجة عملها الأخوان أتقال له انت بتتفرج على عوكش كتير .. فحسيت أن الناس مش متابعين خالص فكتبت شوية حاجات صغننة كدا متسجلة صوت وصورة للعياط يعنى ملهاش علاقة بعوكش خالص والنت مليانة آلاف الفيديوهات الدالة على أن الأبيض فى أبيض دة هو القطران البلاك بعينه ... من فمه وتدينه ... ولاعلاقة للأعلام بها بتاتا يعنى معتقدش حد بيضربه على أيده علشان يقول الخطايا دى ( اللهم إلا واحد بس ممكن يضربه على أيده وهو المرشد خليفة اللى قال طظ فى مصر وأبو مصر واللى جابوا مصر ..فاكرينه ) .... وبعدين قلت رأي فى الخر واضح ... بس للأسف مفهمنيش غير واحد بس من اللى شافوا الكلام الموضوع.
مظنيش حيادية ... طيب يا عم خد الكتالوج السريع دة ... راجع شرح محمود ثم أعد القراءة ... طائر الرخ حاجة كدا وحشة بنت مؤذية والعنقاء هى كمان حاجة وحشة بنت ستين مؤذية .بس التوازن بينهما أفضل للجميع .
أهو هو دة بقى أثر الأعلام ... او أثر انعدام الأعلام ...حضرتك بتقول كدا على اساس أن كل المصريين اللى قتلهم الأخوان على طول تاريخهم مش أخواتك( وأعترفوا بيها فى كتبهم بخط يدهم وحاجات قالوا كانت غلط وحاجات متراجعوش عنها) لكن الأعلام والنظام البائد منهم لله معلموناش التاريخ ( خللى بالك مش بتكلم عن الجماعة الأسلامية ولا السلفية الجهادية لأ الأخواااان طلع كتبهم اللى كتبوها وأقرأ ...أقرأ وشوف أخوانك اللى ماتوا على أيد الأخوان واللى حاولوا يقتلوهم وعددهم بالمئات ومنهم أبرياء ماشيين فى الطريق ويموتوا بتفجيرات ) ... هنفترض جدلا أن شفيق بعد مامسك الوزارة ب 8 ساعات وحلف بشرفه ( علشان يمرمغ شرفه يعنى) أن مفيش حد هيتعرض للى فى الميدان وأنه كان له سيطرة كاملة بالشرطة على الميدان ( وطبعا المسيطر كان هو الجيش مش الشرطة اللى كانت أختفت من البلد كلها والوزارة بتدور عليها ومش لقياها والسجون عمالة تتكسر بالبلدوزرات والشعب كله بيجرى ورا أى شرطى ويقلعه ملط ويجريه فى الشارع ... هنفترض أن الوضع الأمنى كان 100 فل و10 ) ورغم ذلك تسبب شفشق فى موت 18 واحد فى موقعة الجمل بعد 8 ساعات بحالهم رئيس وزراء ممسكا بكافة الخيوط ( طبعا الثوار كانوا أصلا قدام رئاسة الوزراء أصلا وكانوا منعينه من الدخول وكان بيجتمع فى مكتبه فى وزارة الطيران بالعافية ) يبقى النتيجة شفيق(بعد تلبيسه التهمة وقلوظتها كدا ) قاتل و رخ والجماعة قتلة وعنقاء بتاريخهم وفيديوهاتهم اللى من فمهم ومكتوبة بأيديهم (غير بلاويهم الباقية غير القتل اللى قلتها فى المشاركة السابقة ) .تسيب الجماعة بقى تستفرد بك وتقف قصادها وللا توازن القوى ؟؟؟؟ ويبقى مين اللى بيلعب بك أعلام الأخوان والجزيرة اللى بيقول لك أحنا أبيض فى ابيض وشفيق .gif)
تقطر يداه بدم أخوانك .. ياعم لاتخللى الأعلام دة يلعب بك ولا دة هات جووجل وأكتب فيه مرة " قذارة شفيق " ومرة " قذارة الأخوان "ومرة "جرائم شفيق" ومرة "جرائم الأخوان " ... ومتخليش حد يضحك عليك متصدقش كل حاجة تتقال لكن اللى يقولوه الأخوان عن نفسهم كجرائم تصدقه واللى يقوله شفيق عن نفسه تصدقه ... أظن منتهى الحياد والعدل كدا ... وعيش بقى يا معلم .
ههههه ونعم الأنصاف طبعا يعنى انا كلامى مش حيادى لكن أ.أحمد كلامه منصف وحيادى وعاقل ومحب لبلده ههههه تصدق بالله ... أنت اللى راجل منصف يا فاروق باشا .
أية الأخبار يا أ.سيد ... لسة متحفظ ؟؟!!! وللا وصلت لحضرتك .
الجملة التانية ينقصها "+ الأخوان" وصحيحها كدا ...
"اختار الايسر والاقل ضرر معناها انتخب شفيق " ويحكم شفيق + الأخوان معا كأخف ضررا من أستبداد الأخوان بالسلطات كلها ... ولو اتفرجت على خطب شفيق مش هتلاقيه قال ادوس عليهم بالجزم زى ما مرسى العياط قال ... بالعكس هتلاقيه قال الأخوان فصيل وطنى وطبعا لازم هنتعاون وكدا ... مش هتلاقيه قال أن لو مكسبتش تبقى الأنتخابات مزورة وهولع البلد ولو كسبت تبقى نزيهه و100% ...بالعكس قال سأحترم نتيجة الأنتخابات أيا كانت ... يبقى نلزقهم مع بعض ويتجوزوا بمعرفتهم حب فى حب بقى ...وطبعا البرطمان هيحط الدستور وهيقصقص ريش شفشق ...غير الحكومة معاهم والشعب والنقابات وكل حاجة .. وأهو نجرب 4 سنين طلع النظام حلو نستمر مطلعش حلو نخلع واحد فيهم ...لأ وقبل 4 سنين كمان الميدان موجود ..gif)
.
مش عارف الكلام واضح وللا نستدعى محمود تانى وللا أية يا رجالة ؟؟؟