دلوقتي احنا لو جينا حسبناها مع بعض، السنة 365 يوم صح؟
ايام الجمعة 52 يوم في السنة يعني فاضل 313 يوم..
العطلة الصيفية 50 يوم يفضل 263 يوم..
لو عالاقل بتنام 8 ساعات يوميا يبقي شيلنا 122 يوم، دلوثتي فاضلنا 144 يوم..
و طبعا لازم في ساعة رياضة يوميا عشان مفيدة للصحة، يعني تقريبا 15 يوم في السنة، فضلنا 126 يوم..
ساعتين يوميا للاكل يبقي نشيل 30 يوم، فاضل كام؟ 96 يوم..
و طبعا لازم عالاقل ساعة يوميا مع اصحابك عالتليفون بتقرا جرايد، مجلات، ادي كمان 15 يوم راحوا.. فاضل 81 يوم..
طبعا ايام الامتحانات بتبقي حوالي 35 يوم، و طبعا مبتعرفش تذاكر فيهم حاجة، ادي فاضل 46 يوم..
متنساش بقي اجازة نص السنة و عيد الفطر و عيد الاضحي و عيد العمال و عيد تحرير سينا و غيره و غيره، المهم يعملولهم بتاع 40 يوم، يعني فاضل 6 ايام..
اكيد في فترة النقل من الصيف للشتا ممكن يجيلك برد لا قدر الله، كلت حاجة من عبده تلوث جالك بعد الشر حاجة في معدتك، المهم قول في 3 ايام عيان فيهم..
طبعا لازم ترفه عن نفسك شوية، تتابع الافلام الجديدة، و تشوف المسلسلات، ادي كمان يومين ضاعوا..
دلوقتي فاضل يوم... و هو بالظبط يوم عيد ميلادك! كل سنة و انت طيب!
دلوقتي بقي متوقعين الطلاب ينجحوا و يذاكروا ازاي و هما مشغولين طول السنة؟
مش كدة ولا ايه؟