واضح ان الناس فهمتني غلط
الرساله اللي كنت عايز اوصلها ان الموضوع كبيييييير اكبر من مجرد تحليل كلاسيكي او ايا كان نوع التحليل
ماينفعش تكون بتتاجر بالتحليل الكلاسيكي بس ولا رقمي ولا اي كلام من ده لان اللي بيتحكم ف سعر العمله مش مجرد رسم ترند ولا دعم او مقاومه اللي بيتحكم فيها فعلا حيتان كبيره اوي ومش بتبقي مجرد اشخاص دي مؤسسات و كمان دول تخيلو السوق من غير الحيتان دي تفتكرو لو امثالنا بس هي اللي بتاجر في العمله تفتكرو السعر اخره هيتحرك كام نقطه
وطبعا هدف الحيتان دي انها تكوش علي فلوسنا وطبعا عارفين احنا بنحلل ازاي وسهل اوي يطمعك عشان يلبسك ف الحيط بعد كده
المشكله ان لو تدور مثلا علي تحليل لعمله ممكن تلاقي تحليلين والاتنين يدوك اشارة بيع وشرا في نفس الوقت وتبقي كمان مقتنع بيهم ( ما حصلتش معايا بس حصلت مع ناس تانيه)
اما لو حتتاجر علي الاخبار ده بقي احلي اشتغاله اسبريدات توسع واستوبات تضرب
ما حدش بيلاحظ ان ممكن يبقي خبر تافه و يحرك السعر جااااااااامد وخبر تاني يبقي مهم جدا وتلاقيه ما عملش اي حاجه لا وساعات يعكس كمان وتلاقي التبرير ( قصدي التحليل ) اشتغل يقولك اصله لقي مقاومه اصله اتكعبل ف دعم و هكذا
اللي عايز يكسب من السوق ده لازم يبقي يا حرامي يسرق نقط يا منجم يا باااااااااااااااااااااااااارد و طبعا ينسي الطمع
و مايبقاش همه انه يكسب النهارده وبكره وبعده لا يبق همه انه مايخسرش
حاجه تانيه احنا مابنتابعش الاخبار الحقيقيه احنا بنتابع الاشتغالات بس في اخبار بتقلب السوق ويانعرفها بعد نهايتها يا مانعرفهاش
عندك مثلا خبر التصنيف بتاع اول امبارح بتاع بريطانيا كام واحد عرفه واللي عرفه وصله امته ياريت تجاوبو علي السؤال والمنتدي كتب الخير امته طبعا انا مش بعيب ف المنتدي كفايه انه بيجيب الاخبار و دي سوري يعني مش بتاعته دي بتبقي شبكات . الخبر الحقيقي اللي بيتقال قبل ما يحصل كمان
طولت عليكم لكن الرساله اللي عايز اقولها الموضوع محتاج شغل كبير اوي مش مجرد تحط اوردر
وبالتوفيق للجميع واتوقع ان الاسبوع الجاي حيمشي طبيعي و مش حيخالف التحليل كتير و دي بقه الدورات الزمنيه اللي بجد بدرسها دلوقت ( حيبقي اسبوع التطميع )