ملاحظة ووجهة نظر مهمة كنت اود ان تكون في اول الموضوع مع المقدمة ولكن الاهم هي كالاتي:
كنت عاوز اقوم بتوضيح اهمية التحليل الفني والتحليل الاساسي بالنسبة لانواع المتداولين من ناتج خبرتي الشخصية فمن واقع وجهة نظري ومن حصيلة خبرة 11 سنة فوركس... كل نوع من المتاجرين وله التحليل الي يناسبه.... بمعنى ان الاساسي بيكون مفيد اكتر من الفني بالنسبة لاصحاب السوينجات الطويلة والبنوك والمحافظ الاستثمارية واصحاب الدراسات الاقتصادية عموما... اما المتاجرين والمتداولين الغلابة الي زي حالنا الفني افيد لهم واضمن وهو المعلم الكبير الي المفروض كل المضاربين يكونو وراه بجد
ليه بقى؟؟؟ هاجاوب بالي انا مقتنع بيه
اولا احنا مش بتوع استثمار ولا اقتصاد.... يعني احنا عاوزين نشتغل سواء خربانة ولاعمرانة.... وبعدين اي خبر هايطلع احنا مش هانعرف نفسره لانه علم كبير ودراسات احصائية واستنتاجية ووجع دمااااااااااااغ كبيييييييير جدا... وبعدين الخبر بيوصل للزي حالنا ناقص والاهم انه بيوصل متاخر... يعني لحد ماتكون ربنا كرمنا وعرفنا الخبر وانه ممكن يعمل ايه تكون باظت في الشارت
وفي معلومة مهمة جدا هاتختصر الحيرة دي... من وجهة نظري كمان ان اي خبر في السوق بيترجمه السوق لحركة او شكل شمعة... يعني لو درست الحركة دي او السلوكك السعري الي ظهرلي انا كدا هاكون جبت من الاخر وعرفت التفسير الصحيح للخبر في السوق كان ايه.. ودراسة الحركة والسلوك بين قوسين هي التحليل الفني والكلاسيكي....
وعشان كل الكلام دا انا اشوف ان بالنسبة لي انا ...انه نجاح اي متاجر بيكون في انه يظبط ويعرف التحليل الفني ولو هايحلل الشارت بمتوسط واحد وخلاص... ولذلك الفاصل المهم من قناعتي هو التحليل الفني
وشكرا
د/محمد الزيني