طيب ومؤشر المتوسط الحسابى ذو الوزن النسبى
لو عاوزين نحسبه ....نعمل ايه ...بسيطة
هات المثال السابق ..اللى جربنا عليه حساب المتوسط الحسابى البسيط
وحساب المتوسط الحسابى الأسى
اتفضل المثال
اليوم الاول 10 ..اليوم الثانى 20 ...اليوم الثالث 20 ...اليوم الرابع 50
تمام ..كام يوم دول ...4 ايام
يبقى هاجمع ارقام الايام الاربعة ..ازاى ...يعنى هاقول 1 + 2+3+4 = 10
معنى كدة اننا لو حسبناه على فترة زمنية 10 ايام مثلا هايبقى
1+2+3+4+5+6+7+8+9+10 = 55
تمام كدة ...كل اللى عملنها جمعنا عدد ايام الفترة الزمنية
ثم نرتب الأيام من الأحدث الى الأقدم
ونعطى اليوم الأحدث وزنا نسبيا أكبر
طيب انا عندى كام يوم فى هذا المثال 4 ايام ...تمام يبقى هابتدى
اليوم الاول هاضربه * 4
واليوم الثانى * 3
واليوم الثالث * 2
واليوم الخامس * 1
ولو كانوا 5 ايام كنت هابتدى الضرب من 5 الى 1
ولو كانوا 10 اياك كنت هابتدى الضرب من 10 الى 1
تمام ...طيب اليوم الأول عندى بكام ب 50 * 4 = 200
اليوم الثانى 20 * 3= 60
اليوم الثالث 20*2 = 40
اليوم الرابع 10 * 1 = 10
هناخد نتيجة كل يوم ونقسمها على مجموع عدد الأيام اللى طلع لنا ب 10
احنا مش قلنا ان ال 4 ايام مجموعهم = 1+2+3+4 يبقى 10 ...تمام
اليوم الاول 200/ 10 = 20
اليوم الثانى 60 / 10 = 6
اليوم الثالث 40/ 10 = 4
اليوم الرابع 10/10 = 1
هانجمع نواتج تلك الأيام 20 + 6+4+1 = 31
يبقى المتوسط الحسابى ذون الوزن النسبى لهذا المثال هو 31