المشاركة الأصلية كتبت بواسطة Dawns_Mist أنا شغال على حسابات حقيقية من أكتر من 5 سنين يا أفندم و أعرف أفرق بين مؤشر ريبينت و مؤشر ثابت ..... أنا بتكلم عن ADX الميتاترادر المعتاد اللي الكل عارفه ..... فيه حد في الدنيا بيقول الـ ADX بيعمل ريبينت !!!! يا أفندم هات الـ ADX من على الميتاترادر و اعمله فيجوال باكتست و اتأكد بنفسك هو بيعيد رسم نفسه ولا لأ .... لو أثبت المؤشر إنه مش ريبينت يبقى إشاراته ثابتة يبقى الباكتست المانيوال على الداتا واقعي أكتر بكتير كمان من الباكتست الأوتوماتيك لإن مازال عندنا مشاكل مع باكتست الإكسبيرتات على الرينكو .. اتأكد و قولي رأيك ... اولا اسف اخى انى ضايقتك بمشاركتى .. ثانيا .. التقاطع لاى مؤشر او موفنج لا غبار عليه بمعنى اللى حصل حصل .. ببساطة خطوط مؤشر ال ADX عندما تتقاطع لن تعود مرة اخر وترجع فى كلامها كدة دة طبيعى انة مش اعادة رسم اعتقد اننا كدة متفقين تمام .. انا اقصد باعادة الرسم ان الخطوط بتفضل تمشى مع السعر وبعد كدة مثلا السعر يعمل كام بلوك هابط بالرينكو وبعد كدة تتقاطع اذا فى الاساس التقاطع معتمد على خطوط تسير مع السعر لا تسبق الحدث .. والمقصود من كلمة REPAINT يا صديقى الاعتماد على خطوط تسير مع السعر والدخول بناء على تقاطعاتها و انك عملت باك تيست مانيوال يعنى شوفت التقاطعات السابقة وحكمت منها ان الفكرة ممكن تكون ناجحة واعتقد بخبرتك ال5 سنوات لو كانت الامور بهذا الشكل لكنا اعتمدنا على تقاطعات الموفنج .. وتقاطعات الاستوكاستك والماكد وغيرها من المؤشرات بشكل كامل ولكن وقت التذبذب سواء رينكو او غيرة هتكون النتائج سيئة .. ومش معنى كدة ان طريقتك غير ناجحة بالعكس .. ممكن تكون ناجحة جدا ومنتظر منك التطبيق يا غالى فمجرد طرح فكرتك دليل على حبك للخير ومشاركتنا بالجديد الذى عندك ودة اساس فكرة المنتدى وفكرة الموضوع ايضا المشاركة وحب الخير اسف لطرح راى وتقبل ودى وتقدير .. انا بس حبيت انى اشارك بالرأى واسف على ازعاجك مرة اخرى