اخي شوف مابعرف اذا رح تفهم علي بدي احكي سوري ..
اول شي اقسم بالله يمكن مرتين بالمنتدى قريت كلمات لشخص وأثرت فيني متل عادة اول شخص كان منصوب عليه بشركة ومبلغ محترم كان والتاني هو انتا.. مابعرف اذا كانت هي مُعاناتك الشخصية او كلام عابر..
بس آسف.. آسف عن كل شخص أقنعك أنو المفتاح معو وكان مفتاحو بلاستيك مكسور..
آسف عن كل شخص وجودك بالمنتدى بكون مربح لحضرة جنابو.. سواء بالمنتدى او بموضوع مخصص لحضرة جنابو..يعني انتا بتكون موضوع تجارة لحضرة جنابو لا اكثر ولا اقل
آسف عن كل شخص ساهم انك تخسر لقمة ولادك..
بدي قلك تجربتي وصدقني إذا الادارة بتحظرني ماعندي مشكلة وبستغني عن اسمي بالمنتدى اذا كان كلامي رح يزعج حدا وصدقني ماحدا بينزعج من كلامي الا يلي بكلامي رح أأثر على محلو التجاري.. مين ماكان ومع احترامي الكبير للادارة وانا بحترمهن وبحبن واحد واحد وصرلي بعرفهن افتراضياً أكتر من سنة وما ممكن اتوقع انو حدا يتأذى منهن لانو هي كلمة حق وهنن بيسمحو للكل يحكي وانا رح احكي..
مابدي قول اني ناجح مالي ناجح واعتبرني متلي متلك فاشل وماشي معك بنفس السكة..
بدي قلك وقول للكل انو نحنا كسبنا مفاهيم خاطئة من المنتديات وبس اللي بيفهم السوق رح يفهم كلامي وايا شخص بدو يدافع عن أيا جهة فوراً عرفو انو لسا عمرو كم شهر بالسوق وحتى لو صرلو مليون سنة بالسوق بس للأسف مابيعرف غير الاساسيات ولسا سطحي بالسوق.. المهم..
كسبنا من المنتديات مفاهيم خاطئة ,,
أولها أنو الاستراتيجيات الموجودة بالمنتديات هي أساس التعامل مع السوق وما ممكن تحترف غيرها (ممكن تشوف حدا يحكيلك انو لازم انتا تشق طريقك بأيدك بس صدقني أغلب كلامو بكون من نفس المبدأ الأول)
التاني هو الخوف ,, الخوف قتل من حياتي ست شهور ضاعو هباءاً منثورة .,, مقابل بعض الناس التانيين بقول الحمدلله في ناس ضلو اكتر من عشر سنين عايشين متل الحيط بالسوق وانا قتلت فقط ست شهور ,, بس كمان انا خسرت كتير أشياء بسبب الخوف ,, وطبعاً نحنا ممكن نخلق خوف مش بس المنتدى ,, ولكن البذرة الاولى هية المنتدى ,,
المقدسات ؛؛؛؛ متل ما انتا قلت ادارة رأس المال ,, صدقني اذا عم تقتل وقتك وانتا عم تحسب النسبة المئوية لحسابك كـَ ربح وبدك تحافظ عليه ؛سواء نجحت بالمهمة أو فشلت انتا فاشل لأنك اكيد مابتعرف انو بالسوق موجود ناس تاخد من بعد ما يبتدي الاتجاه الجديد وما بيعكس عليها السوق غير دبل قمية السبريد باسوأ الاحوال أو 3أضعاف السبريد وبس وبعدها بتربح مئات النقاط,, ممكن تكون متل الناس "العرب مش الاجانب ومسلمين لو عايز تخصيص وسنيين لو بدك اكتر بس المهم ماتفكر انو الموضوع بيستفهد عرب ولا مسلمين واحترامي للاخوة الشيعة ومن باقي المذاهب واحترامي للعرب من غير اديان كمان بس بضرب مثال لا اكثر ولا اقل" دي وتدخل من نقطة ماينعكس السعر عليك وتنسى شي اسمو ادارة رأس المال وبكرر "()"()(")"()"(احترامي للجميع وكل شخص صاحب فكرة من الافكار يلي عم احكي عنها يعرف انو انا ماقصدي عليه بس هاد أسلوب فاشل وفي أولاد عم تاكل خبز معفن من ورا أبوهن يلي خسر اموالو بالفوركس يلي دخل عليه نتيجة هيك افكار فاشلة )"()"(")(")"(")"(")
الاخبار ,, في جماعة بيعبدو رب الاخبار مشان يزبط معو خبر خبرين يلم عشرين نقطة وبعدين ياكل هوا خسارة مليون نقطة ,, طيب لحد الآن انتا فهمان التحليل الفني وبتعرف السوق لوين ممكن يروح بس من منظر الشارت ولا ماشي ورا مثل "الغريق بيتعلق بالقش" مع الاخبار ؟؟؟ صدقوني بعرف ناس "لو" فاضية تشوف اخبار كانت من بكرة فتحت موضوع بالمنتديات وكتبت نتايج الاخبار قبل ما تطلع ,, الاخبار اكبر كذبة عم تعيشو عليها صدقوني ,, التفتو للشارت وانسو الاخبار بئا ضيعتو عائلاتكن كرمال الانبياء ,,
مع احترامي لجماعة العشرين نقطة المذكورين بأول المثال
المؤشرات نحنا جماعة اول ما ندخل عالسوق ونحط فيه كذا الف دولار فوراً بصير الشارت عنا الوان واشكال لك بالنهاية ممكن يطلع معنا لوحة الموناليزا من كتر المؤشرات الملونة ,, وبعدها منحكي باي باي دولارات ,, ان شاء الله نصيبنا بالجنة,,
انا بدي صيح بأعلى صوت كل واحد في بحياتو شخص عزيز عليه ,, بحيات هالشخص العزيز اللي عندك جرّد الشارت من كل شي وعيف الشارت بس شموع وحاول تفهم الشارت ,, ما حلفت حدا بالرب لأني بعرف أغلبكن ما رح تسمعو كلامي باعتباري ابن ال17 وانتو ولاد الاربعينات يعني كبيرة بحقكن تسمعو كلام حدا صغير ,, بس صدقوني هالولد الصغير بحبكن من قلبو وبحب المنتدى من قلبو وصدقوني لولا أني لمست المعاناة يلي ممكن توصل لحتى تعيشها عائلة كاملة كنت خرست ومشيت بس حاااااااااج
حاج كل واحد يعمل فيها الفهمان ويصرعنا ويخسرنا حاااااااج قرفنا خسارة انتو قاعدين هون ماحدا حاسس غير بألمو الشخصي ,, ولاد بلدي منتوفين شباب من كم سنة نصبو عليهن 200 الف
مصر واخواتي المصريين خسرو بملايين الدولارات ,, حدا بيعرف شو يعني ملايين الدولارات؟؟؟
يعني ولاد جاعت بالليالي ,, يعني نسوان عم تبكي على ولادهن كيف صار حالهن,, يعني رجال بتهد جبال صارت تبكي ,, حراااااام حسو على دمكن بئا ,,
بحب اعتذر من الكل بس هي اول مرة بنفجر بالمنتدى تحملوني وماحكيت غير نتفة من قلبي ,,
شكراً