المشاركة الأصلية كتبت بواسطة hamada1228 يسعد صباحك اخي هو السنت مناسب جدا لتجريب استراتيجية او لبداية المشوار العملي انا بنصح بالسنت (في حال) كنت غير محب للتجريبي ... الفكرة انه بالنسبة للمبتدئين بيفتكرو انو البداية بالتجريبي قصة بتجرح رجوليتهم لذلك بيشتغلو حقيقي وبيخسرو بالدولارات فلذلك الحساب السنتي بيعطيك الشعور انك على حقيقي وبنفس الوقت الخساير فيه مو كتيرة يعني بتذكر الواحد دولار بيساوي فيه مئة سنت على ما اذكر او عشرة سنت ... المهم بالنسبة لبداية المشوار انا بنصحك فيه وهو متل حساب الحقيقي لاراح ولا اجا بس المتغير فيه هو انك بدل الدولار بتداول على سنت وفي ناس مثلا بيحبو يجربو استراتيجية او فكرة جديدة فبالنسبة لهم التجريبي ممل وممقوت ممكن يختارو السنت للتجريب رغم ان التجريبي مو بالقدر المذكور من السوء في اذا بدك شركة اكسنس exness سهلة الوصول بتوفر حسابات سنت عيوبه انك ترضي شعورك انك عم تداول على حساب سنتي ..يعني لازم تعمل العكس لازم تعرف حالك انك على الهواء مباشرة والا صار عندك الديمو فعلياٌ بمستوى السنت غير انك عم تخسر بالفعل مصاري بالتوفيق يارب اخي جواب شافي وكافي ، بالفعل حساب بالسنتات لا يكون للارباح ، لانك صعب جدا تحقق ارباح مرضيه بالنسبه لك ولكن يجب ان يكون هذا الحساب هو مفتاح دخولك الى عالم الفوركس بشكل صحيح