 |
 |
|
 |
|
الشريعة الأسلامية ليست ناقصة حتي نتبع الليبرالية والي عبارة عن مجموعة من المبادئ جميعها موجود في الأسلام ولاكن بأختلافات جوهرية في تعريف المصطلحات والي شايف ان تعريفاها في الليبرالية تعريفات متناقضة و لا تصلح حتي تطبق لحديقة حيوان
ملخصا كدا : الليبرالية ليست ديانة حتى تتبعها وتترك الأسلام ولكنها توصيف لطريقة حكم . ( أرمى كل اللى قالوه لك عن الليبرالية ... يعنى الأفضل تسمع عن الشئ من فم مؤيديه كما تسمع عنه من فم معارضية حتى تكون فكرة متزنة بلا قوالب محفوظة ) .
وبعد : حضرتك بتقول الليبرالية مجموعة مبادئ موجودة فى الأسلام ولكن باختلافات جذرية وهذا قول متناقض ... منين موجودة ومنين مختلفة جذريا ... وبتقول "تعريفها فى الليبرالية تعريفات متناقضة" يعنى حضرتك مش مقتنع أصلا بتعريف لليبرالية .وانا مش عارف اختلف معاك او اتفق معاك علشان الأفكار مش محددة .
مبادئ الليبرالية تمت بأيادي غربية
تمام .. مع العلم بإن أساس أو مفتاح أو العامل المحرض على نشأة الليبرالية فى الغرب هو الفقه الأسلامى .
وكل ما صنعته اليد او العقل الغربية مش بالضرورة تقدم ومش في صالح البشرية لان نفس اليد الي صنعت الات لصناعة المنسوجات والصناعات الكبري صنعت الات لقتل الملايين
تمام متفقين طبعا .
الغرب المتناقض الي بيدعو للحرية والعدالة والمساوة للبشر كل واحدة او واحد هناك بيعطف علي كلب او قطة وبيصرف عليه الفات الدولارات في الأكل والشرب والناس في الصومال مش لاقيين ياكلو وبيعملو جمعيات لرعاية الكلاب والقطط وبيجيلهم تبرعات بالمليارات و المشردين في العالم ملايين ملايين يعني القطط والكلاب عندهم احسن من البشر المشردين في العالم اهي دي بقا اخلاقيات الغرب الوقحة
مين قال لحضرتك كدا ... فى بداية المجاعة الصومالية كنت بترجى الأخوة فى المنتدى هنا أو فى منتدى أخر مش فاكر أن كلنا نتبرع للصومال لأن اميركا واسرائيل ( واخد بالك ) كانا اكبر البلاد تبرعا للصومال وكنت بقول عيب يا جماعة لازم كلنا نتبرع ... بعد أسبوعين تلاتة تقدمت قطر ثم السعودية واصبحا الأكثر وبعدهما أسرائيل واميركا ... وأنا عن نفسى تبرعت بالمناسبة لأنى أرفض أن أجلس لأقشر السودانى والموز وارمى القشر على الترابيزة وأقول فين امريكا واسرائيل يتبرعوا للصومال بدل ما يأكلوا كلابهم .. كأنهم بيشتغلوا علشان يأكلونا ويشحتونا .... أنا شايف بالمناسبة ان اللى عاوز امريكا أو أسرائيل تأكله ممكن يهوهو وينونو يمكن يحنوا عليه ..... صح الكلام وللا أنت شايف انى متحامل على الصومال شوية ... الصوماليين مشكلتهم انهم معرفوش يعيشوا مع بعض ونزلوا ضرب فى بعض على حساب بلدهم كل واحد كان عاوز يطبق الشريعة بطريقته وبالعافية على الكل وأدينا بنلم لهم علشان ياكلوا . .... بالمناسبة وبصراحة كدا أنت أتبرعت بكام للصومال ؟؟؟؟(خللى بالك فية أماكن محددة للتبرع علشان مترميش فلوسك للأرهابيين ويقولوا لك بنلم علشان الصومال ... لو عاوز عناوين اماكن التبرع راسلنى ع الخاص )..... أخلاقيات الغرب الوقحة تظهر فى موضوعات تانية خالص مفيش مجال لذكرها هنا .
الغرب يدعو للحرية العقيدة والملبس ويفرض علي المسلمات خلع النقاب لانه يتنافي مع الثقافة الغربية والغرب يسمح بالتعري حتي لو كان ملط وفي نفس الوقت يضيق علي الحجاب ويضع العراقيل امامه ( تخلف الغرب اخلاقيا )
مش عارف انا أية علاقة موضوعنا بالغرب ... أنا مش عاوز اقضى يومى كلام عن الغرب بس قول عنهم الشتيمة الصح وأنا هأيدك بكل تأكيد لكن الغلط مش بقدر اسكت علية .... طيب ناخد فرنسا كمثال سريع كدا علشان ننجز فرنسا لم تقر قانون منع المظاهر الدينية (الخاص بجميع الأديان دون استهداف الأسلام ) و تمنع النقاب إلا بعد أستشارة الهيئة العليا العامة لشئون مسلمى فرنسا وهى هيئة أسلامية ويرأسها شيوخ وكان رأيهم ان النقاب ليس فرض كما انه للأسف تم أستخدامه هناك اكثر من مرة لتسهيل بعض الجرائم .... دا كان راى شيوخ فرنسا ودا قانون فرنسا لا المسلمين الفرنسيين زعلوا بل على العكس معظمهم شجع القانون ولا فرنسا كانت قاصدة الأسلام نفسه .... لكن مين اللى يزعل بقى من القانون الفرنسى ؟؟؟ أحنا ... وكأنه معمول لينا وللا لازم ياخدوا رأينا ...
الغرب يمنع بناء المأذن ( دي حرية العقيدة عندهم )
واضح انك متابع كل المشاكل فى الدول الأوروبية ... فى السويد المنوط باصدار تصاريح البناء هو الحى زى مصر كدا والحى دة بقى هناك بيكون منتخب من سكان المنطقة وفية احياء ومناطق هناك بيتفقوا على نمط معين لبيوتهم ... كام نموذج كدا حافظينهم فى الأحياء (بالذات الريفية ) وعاوز تبنى اختار لك نموذج وأبنى وهى قواعد ثابتة تطبق على اى منشأة ... الناس طلبت تبنى جامع بنمط معين وتعلوه مأذنة وهنا كانت المشكلة بين الذين يريدون البناء والحى أو سكان المقاطعة ثم تم حلها والحمد لله كله تمام .... الناس اتراضوا ما بينهم وحلو مشكلتهم لكن مين اللى يزعل بقى ....أحنا طبعا .... مع ان عندنا فى مصر زوايا ومساجد بدون مآذن ووجود المأذنة ليس شرط للصلاة فى المسجد كما تستطيع أن تتأكد بنفسك عن وقت ظهور المآذن فى الأسلام وهل كان أول مسجد أقام فية بلال بن رباح الأذان هل كان بمأذنة ام لا .... كما ان الأرض مسجدا وطهورا يعنى ممكن تصلى فى اى مكان أو تبنى بيت بشكل من الأشكال المعروضة فى الحى ..... على كل الناس حلت مشكلتها وعملوا مأذنة واستراح الجميع لكن مين مستريحش ... أحنا .... علشان سلطات الحى فى السويد مجاتش تاخد راينا هينظموا بيوتهم ازاى ....
اختيار اغلبية الشعب للاسلامين ليس من اجل الحفاظ علي المادة الثانية من الدستور انا شايف اصلا ان المادة دي ملهاش لزمة لانها عبارة عن جملة وخلاص نحن نريد تطبيق فعلي وعملي بشكل ( تدريجي وبشكل صحيح 100% )
لماذا نقول مسلم ليبرالي او ليبرالي مسلم
ليه ميبقاش مسلم فقط وماذا تضيف كلمه ليبرالي للفرد ؟؟؟
طيب حضرتك انا مثلا
انا اعتزر جدا ان شعر بعض زوار الموضوع بالخروج عن الموضوع ولاكني شايف اني اتكلم عن الجوهر
جدا وخرجتنى معاك والف من هيفتح تفرعات جديدة دلوقت
لماذا ليبرالية ولدينا اسلام شريعة وحياة ؟؟؟؟؟؟؟؟؟؟
بالنسبة بقا لذكر البعض ل حديث بعض السلفيين عن ان الديمقراطية حرام وتشويه بهذا الكلام الأسلاميين اجمعين انا كمسلم وكواحد هيرشح الأسلاميين في البرلمان اتعارض مع فكر المشايخ القلة دول اذاي نعمم فتوي من واحد ولا تنين ولا عشرة ولا عشرين علي الأسلاميين كلهم ؟؟؟؟؟ |
|
 |
|
 |
بالعكس معظم المسلمين معتدلين وناس محترمين جدا جدا وأشهد بكدا مليون فى المية ومفيش شخص يقدر يقول غير كدا وانا ضد التعميم دة ....
على فكرة أنا رديت على ملاحظاتك عن الغرب رغم انها مش موضوعنا علشان اقول لك انها ملاحظات أسترعت أنتباهنا كلنا لكن مينفعش تحكم على حاجة وانت عاطى ودنك لجهة واحدة عمالة تعيد وتزيد نفس الكلام لازم علشان تحكم على موضوع صح تسمع من الجهتين وتفكر وتعقلها وتتوكل على الله تكون رأى .
كمان حضرتك أنا مهندس وكونى مهندس لا يتعارض مع كونى انسان ومش معقول اعرف حضرتك بنفسى انى اقول لك الأنسان فلان أو الأنسان المهندس فلان .... حضرتك لما تسألنى عن نوعى ككائن حى هقول لك انسان ولما سألنى عن مهنتى هقول لك مهندس ... لما تسأل عن الديانة هتلاقى أجابات زى مسلم أو مسيحى أو يهودى ولما تسأل عن التوجة السياسى هتلاقى أجابات زى ليبرالى أو يسارى أو يمينى وهكذا ....
بالتوفيق ,,