شكرا يا دكترة على الموضوع الجميل
امريكا ضحكت على العالم فى مؤتمر بريتون وودوز وجعلت نفسها القطب الاقتصادى الاوحد وربطت العالم بعملتها ، وبالتالى ماكينات الطبع شغالة الله ينور وعلى العالم شراء الدولارات الامريكية للحفاظ على الاقتصاد العالمى "الفقاعة"
اعور يقود عميان وبالتالى ازمات عالمية متتالية وبصراحة الازمة العالمية 2008 منتهش عشان نقول هل فى جديد !
الازمة شغالة من 2008 ومعدلات البطالة بقت مسعورة واكتر دول هتشرب المقلب هى الخليج والصين اكبر مشترى للسندات والاذون الامريكية ودا درس للخليج اللى بسببه امريكا واقفة على رجليها ، طبعا دا غير المليارات اللى الامراء بيستثمروها هناك بدل توجيها للدول العربية او حتى نجدة الصومال من المجاعات وحملات التنصير
بالنسبة للفوركس فى اواخر 2008 الدولار سيطر على العملات وارتفع لمستويات رهيبة لانه كان عملة الامان لكن فى الازمات القادمة الفرنك هيحل محل الدولار ومعاه الين والسبب فى التغيير دا له اسباب كتيرة منها حال امريكا الحالى بجانب ان الدولار معدش عملة امان بالمفهوم اللى اعتاد عليه العالم وفقد هيبته
اما الصين فمستحيل عملتها تكون هى الاساس لان اليوان مش متعوم ومربوط بقوانين شديدة ومحدود تداوله ومحتاج 10 سنين على الاقل عشان يبدا فى التداول كعملة اولى او حتى تانية
احب اضيف جزئية اخيرة هى ان فى ظل الازمات دى ربما اليورو يتراجع ل 1.0 % كسعر فائدة والكيبل بكده مفيش اى حافز لرفع فائدته وربما يرفعوا حد خطط التحفيز