المشاركة الأصلية كتبت بواسطة joseph.ehab شوفت يا ابو صلاح هتعترف اهه ماشي هابدأ باسئلة بسيطة الاستاذ احمد من اظرف الشخصيات بجد اللي في الموقع وهو من اوائل من علمني الكثير ولا يمكن ان انكر افضاله علي في مجال الفوركس احكيلنا بقي ايه اللي وداك للمجال ده اصلا وكيف تعلمته واصبحت محترفا فيه كدا اي طريقة تفضلها في التداول؟ اظن هتقول سوينجات بتعتمد علي ايه في صفقاتك غير السونيك؟ لسه في اسئلة من بره الفوركس بس نخلص دول تقبل تحياتي يا مشرفنا الغالي اهلا جوزيف وانت فعلا من اظرف الشخصيات الـ عرفتها فى المنتدى وبسم الله ماشاء الله عليك دينامو ... ومسيرك فـ يوم تقعد على كرسى الاعتراف احكيلنا بقي ايه اللي وداك للمجال ده اصلا وكيف تعلمته واصبحت محترفا فيه كدا يانهار انته كدا عايزنى احكيلك قصه حياتى هههههههه طاب اسمع ياسيدى فى كليه التجاره كان هناك ماده تسمى (اسواق المال) وكان يدرسها دكتور محترم جدا حببنى فيها وانا كان عندى قابليه اكثر لتعلمها لانى بعشق مايسمى بالبورصه وفكره المكسب من خلال المتاجره ومشاهده الاسعار وهى تتحرك ...الخ المهم عقب تخرجى وبدأت فى العمل وقبضت اول راتب لى قررت انى ادخل به فى مجال البورصه بعد ان كنت مشاهد فقط وبالفعل ذهبت لمكتب سمسره فى 2008 وبدأت فى المتاجره كنت افتح الشارتات وافضلك ارسم حاجات كده مع نفسى ال بتعلمها من كورس التحليل الفنى الـ نزلته من على الانترنت وبدأت واحده واحده اتعلم حاجه اسمها التحليل الفنى من نفسى وبدأت اطبق على الاسهم الـ كنت بنوى انى اشتريها .. خسرت فى البدايه وكسبت فى النهايه ولكن مقدار ماكسبته لم يكن بالمبلغ الكبير .. المهم فى يوم كنت بسمع راديو وكان فيه محلل بيقول ان سبب انخفاض السيوله فى البورصه هو اتجاه صغار المستثمرين الى مايسمى بالفوركس دهشتنى الكلمه وكنت ارى الاعلانات على المواقع وكنت لااهتم بها اطلاقا المهم دخلت على جوجل وكتبت الفوركس طلعلى اكثر من موقع بدأت ادخل عليهم واتعلم اكتر واعجبنى جدا هذا السوق من يتعامل فى البورصه ويذهب للفوركس يكون مستمتعا جدا لعده اسباب اهمها ان انت تقدر تنفذ كل صفقاتك من خلال برنامج بدون عناء الاتصال بالسمسار السوق مفتوح ليلا ونهارا بعكس البورصه يمكنك بدايه الصفقه بالبيع ويمكنك التحكم فى حجم الصفقه انتقلت الى الفوركس عام 2010وسحبت اموالى من البورصه وبدأت بالاستمتاع بالشارت المتحرك فى كل دقيقه وبعد خبره سنتين مع البورصه وجدت ان التحليل الفنى هو شىء واحد وبدات فى المغامره واكيد زى اى شخص بدأت القصه بالخسائر ولمده 9 شهور تقريبا رجعت الى الحساب الديمو وبدأت ابحث عن استراتيجيات التداول وبدات ابحث عن مزودين التوصيات الـ فى مواقع الجيران لأرى تعليقاتهم واتعلم من خبرتهم ثم توجهت للتدريب على هذا فى مسابقات المواقع والحمد لله حققت فى موقع بورصات نجاح فى مسابقه افضل ورشه وكانت لى ورشه كبيره هناك وكنت اقدم الفرص من على الشارت وبدأ يكون لى متابعين على الرغم انى كنت ساعتها لم احقق اى ارباح من حساباتى بعد خساره تقريبا 1500 دولار فى الـ 9 شهور لم احقق ارباح الا من الحساب البونص الذى كان جائزه الموقع بقيمه 250 دولار حققت ارباح منه بعد الالتزام كانت تساوى 1500 دولار الذى خسرتهم من اموالى وكان هذا فى بدايات عام 2011 واستمريت فى العمل فى عام 2011 باجتهاد حتى وجهنى صديقى هيما اليكس الى موقع اف اكس اربيا وكانت فى 7 2011 وعجبنى الود السائد فى الموقع واشتركت بمسابقه ورش واخدت المركز الثانى وكانت الورشه هى حلوتها فى بسطتها ومن هنا اكملت عملى هنا فى الورشه باجتهاد حتى عرض عليا الاشراف فى اف اكس اربيا وهو الشىء الذى اتشرف به فعلا وكانت خطوه فوركسيه مميزه جدا لى اي طريقة تفضلها في التداول؟ اظن هتقول سوينجات بتعتمد علي ايه في صفقاتك غير السونيك؟ افضل الطرق فى التداول ال افضلها السوينجات والتبريدات والاستمرار فى الصفقات حتى اغلقها على ارباح والحمد لله عن طريق الالتزام فى مناطق الدخول الصحيحه مع الاتجاه ولو حدث العكس ادخل هيدج واتعامل معاه بشكل جيد واخرج بأمان والحمد لله بعتتمد على ايه ؟؟!! على حاجات كتيييييييير بفتح اولا شارت الويكلى والديلى والـ 4 ساعات بفتح الدولار اندكس بقرأ شويه فى اخبار الاسبوع ( واتوقع ما سيحدث ) التحليل الفنى البسيط اهم شىء من خلال الموفنج ومؤشرات التشبع هناك بعض المؤشرات والاستراتيجيات الهامه بتوضح طريقى اليومى مثل سونيك و القنوات و الايشموكو