والله يا رجالة أنا لا معصب ولا مضايق ولا أي حاجة ولا بحكم على حاجة خالص ... أنا كل اللي قلته حبيت أطمن أخونا موفنج ان كل الخصائص شغالة وزي الفل ومن ناحية تانية نعمل اللي بيحصل دلوقتي ... نتكلم مع بعض وكل واحد ياخد فكرة يجربها لمدة اسبوع أو أسبوعين زي ما انتوا بتقولوا دلوقتي كده مش أكتر ، مش دي نصيحتكم ليا بس المفروض ان أخونا بدوي هوه أكتر واحد هيقدر يعمل تقييم للاستراتيجية نفسها ، عشان هوه اللي عارفها كويس ...فبدال ما نقعد كلنا نعمل نفس التجربة ونختلف على نتائج المنصات ، فاذا تحبوا نفكر في أي اعدادات تانية أجربها أنا أو غيري فأنا تحت أمركم ، واذا تحبوا اننا كلنا نجرب الاكسبيرت في نسخته الأخيرة من غير أي اضافات ونسيب الاكسبيرت ينفذ الاستراتيجية من غير أي اضافات خالص ، برضه أنا معاكم يا رجالة وتحت أمركم بس حتى لو مش هنستخدم أي اضافات من اللي زودها أخونا موفنج (الله يرضى عليه ويجازيه كل خير) ... يبقى على الأقل كل واحد فينا يجرب الاستراتيجية على بوكس رينكو مختلف ... يعني مثلا : 1- أخونا بدوي ... يجرب على الأساس (بوكس 10) 2- أخونا مرشد ... يجرب على أساس (بوكس 5) 3- أخونا فلان ... يجرب على أساس (بوكس 7) وهكذا نقدر كلنا نشوف ونقيم أداء الاكسبيرت والاستراتيجية على أكثر من مستوى واسلوب عشان نقدر نعرف أحسن حل يناسبنا جميعا ان شاء الله. هية دي الفكرة ببساطة ... واذا شايفينها مش كويسة اقبلوا اعتذاري عن الازعاج. أنا كل هدفي المصلحة العامة للجميع ، والمصلحة منها عدم اضاعة الوقت ، والله يا رجالة لو اكسبيرت عادي كنا خلصنا اختباراته في ساعتين زمن بالكتير من خلال الباك تيست ، انما اكسبيرتات الرينكو لازم تتجرب ديمو يعني مش هتقدر نطمن كويس غير بعد اسبوعين أو تلاتة على الديمو. وربنا يوفق لكل خير ان شاء الله
النفسُ تبكي على الدنيا وقد علمت *** أن الســـــعادة فيها ترك ما فيها لا دارٌ للمـرءِ بعـد المــــــوت يســــكُنهـا *** إلا التي كانَ قبل الموتِ بانيها فإن بنـاه،،ا بخيـــــر طــــــــاب مســـــكنُـه *** وإن بنـاهـا بشـــــر خـــــــاب بانيها أموالنــــا لذوي الميــــــراث نجـمـعُـــــــها *** ودورنا لخــــــراب الدهـــر نبنيها (الامام علي بن أبي طالب)