التاريخ بيقول متديش صوتك لواحد منافق كداب أو تابع لأحد ... أكتب أسم مرشحك فى جوجل وشوف تاريخه اخر 100 سنة فاتت لو لقيته قال مبارك اب لكل المصريين وهرشحه .. لو لقيته اتفق مع الحزب الواطى على تزوير البرلمان ليحصل على بعض المقاعد 2005 ... لو لقيته شتم الثوار فى البرلمان ومردش غيبتهم لما اتقال دول بتوع دعارة وترامادول ... لو راح قعد يفاصل مع عمر سليمان على دم الشهداء وقال خليكم فى الميدان لغاية ما اشوف عمر سليمان هيدينى أية وارجع لو معجبنيش الكلام ... لو لقيته قال على ست البنات واية اللى نزلها مع الثوار ... لو اتفرج على أحداث مجلس الوزراء وقال الجنزورى حبيبى وأبن حبيبى وبعدين مجاش على هواه قعد يعيط ... لو فى محمد محمود قال لك المفروض الناس تقعد فى بيوتها علشان أحنا جينا البرلمان خلاص وقعد يسقف زى العبيط لما الداخلية قالت له مفيش خرطوش بيتضرب وهو شايف كل يوم عينين العيال بتتفقع ( زى مبارك بالضبط) ... لو لقيته قتل النقراشى باشا .. لو لقيته حاول قتل جمال عبد الناصر لو لقيته بيشتم حمدين صباحى وتانى يوم علشان ياخد أصواته يقول عليه مناضل ... لو لقيته بيقول هعمل لجان شعبية لمساعدة الشرطة ( ميليشيا زى حزب الله كدا) ... لو لقيته بيقابل رجال مخابرات قطر من ورا عيون الدولة ... لو لقيته متخصص فى غسيل الأموال ... لو لقيته تنظيم دولى ... لو لقيته هيلغى جمهورية مصر وهيخليها مجرد ولاية عربية ... لو لقيته طامع فى السلطات كلها ... لو لقيته سب القضاء وحاول الأستيلاء وتهميش المحكمة الدستورية المسئولة عن أيقافه لما ييجى يخرج عن الدستور اللى يتفق عليه مع الشعب ... لما تلقية عاوز ياكل كل السلطات علشان يبقى حزب وطنى جديد ... لما يحاول يلغى مرجعية الأزهر ودار الأفتاء ... لما تلقيه بيقول لو الشعب ما اخترنيش تكون الأنتخابات غير سليمة ومزورة ولو اختارنى تبقى 100 فل وعشرة ...لما تلاقى هيلارى كلينتون بتشكره على دوره فى خروج متهمين أجانب من البلد بدون محاكمة وتانى يوم يمسك الحكومة يمسخرها فى البرلمان لما تلاقيه أول واحد بيطالب بالخروج عن القانون ودولة القانون ...لما يكون له رئيس اعلى منه ميتحركش غير بأوامره .... لما يقول لك قول نعم علشان مبارك اسمه الحقيقى جورج وعاوزين يقصونا ودى حرب ع الأسلام وبعدين يندم ويعمل مظاهرات ويعيط ويهاجم الجيش ووزارة الدفاع ... لما تلاقى برنامجه الرئاسى ل 28 سنة وناوى يبلط فيها أكتر من ربع قرن ..لما تلاقى كل حاجة غش فى غش ومليون وش ....لما تلاقى كل دة متسجل بصوته وصورته ... فعوكش برئ من دمه .
وأعتقد أنه أن وجب الأختيار بين طائر الرخ والعنقاء وأنت بالنسبة لكلاهما مجرد سلطة ومال ودم حلال ... فإن التوازن بينها سيكون فى مصلحتك لأن الأثنين سيحاولا أرضائك بكافة الطرق .وأعتذر عن عدم النقاش فى الموضوع لأن النقاش لن يتسبب ألا فى الشجار لأننا لم نتعلم كيف نختلف ( وهذة اكبر مساوئ العهد البائد عهد مبارك... دمر ثقافة الشعب ) ولأن عم جوجل يكفى ويزيد ومن قرأ التاريخ الذى كتبوه بيدهم عن انفسهم لن يحتاج لجوجل اصلا .إقرأ ...إقرأ...إقرأ...
دام الكل كما يود,,,