ثم بعد ان حددنا القناة المتسعة من 120 الى 320
وجدنا انها لا تساعدنا فى عملية التداول فنحن لن ننتظر
عندما تأتى ال 120 والعملة تثبت فوقها فنشترى
او ننتظر ال 320 والعملة لا تستطيع إختراقها فنبيع .
..لن نستطيع الصبر لأن النطاق الرقمى للقناة المتسعة
يكون كبيرا ...فكما اعطينا مثالا فى القناة المتسعة للإسترلينى / دولار
..وجدناها اكثر من 1000 نقطة فماذا نفعل وقتها
فكان لابد من تقسيم داخلى لتلك القناة المتسعة ..
هذا التقسيم الداخلى ياصديقى اللورد أطلقنا عليه القنوات الضيقة
فوجدنا فى هذا المثال ثلاث قنوات ضيقة فى تلك القناة المتسعة
القناة الضيقة الأولى وجدناها من 120 الى ال 170
يبقى طووول مالعملة مابين هذين الرقمين تبقى فى القناة الضيقة
الأولى التى تدخل بطبيعة الحال فى القناة المتسعة
طيب اشترى وابيع امتى ..فى حالة الثبات فوق أدنى نقطة فى
القناة هاشترى ...لو كسر أدنى نقطة اللى هى 120 هابيع
طيب ليه هابيع ..لأنه كسر أدنى رقم عندى فى القناة الضيقة ...
طيب انا اشتريت ب 135 اعمل ايه ...هانتظر واشوف هل هايقدر
يخترق مستوى ال 170 اللى هو اعلى رقم فى القناة
ولا مش هايقدر اقوم ابيعه مثلا عند 165 او 155
ومن ناحية تانية انا شارى ب 135 وعينى على ال 120 لو كسرها
ابقى عارف انه كسر القناة اللى انا اشتريت فيها
واقوم بغلق الصفقة .
ديه كانت القناة الضيقة الأولى ..طيب العملة طلعت بنت حلال
وطلعت فوق اعلى رقم فى القناة اللى هو 170
كدة تبقى العملة دخلت القناة الضيقة الثانية
وهى من 171 الى ال 240
لو الصفقة اللى انا لسه شاريها موجودة هاعزز لما يطلع ويخترق
القناة الثانية وهاوقف خسارة اذا لم يثبت فوق القناة الثانية
بمعنى طووول مالعملة فوق ال 171 الرقم اللى هو ادنى نقطة
القناة التانية مفيش مشكلة وانتظر واشوف هايقدر على
نقطة ال 240 التى تشكل اعلى نقطة للقناة الضيقة الثانية
ولا مش هايقدر اقوم ادخل ابيع بالقرب منها ..
طيب طلعت العملة بنت حلال وأكملت واخترقت ال 240
...يبقى انا كدة أصبحت
فى القناة الضيقة الثالثة والتى تبدأ من 241 حتى 320
...نفس القصة هاشوف ثبات العملة فوق أدنى نقطة فى القناة
اذا ثبتت يبقى كدة خلاص ...انا معايا حتى 320 اللى هى
اعلى نقطة فى تلك القناة والتى تشكل فى ذات الوقت
اعلى نقطة فى القناة المتسعة وهى تكون قوية للغاية .
.لذلك اول لما الاقى عدم استطاعة على الاختراق تتم صفقة البيع